រាជធានីភ្នំពេញ ៖ បុរសម្នាក់បើករថយន្ដ Navara មួយគ្រឿង បានទៅបុកបង្គោលភ្លើងបំភ្លឺផ្លូវ បណ្ដាលអោយរងការខូចខាតយ៉ាងដំណំ នៅតាមបណ្ដោយផ្លូវOCIC ស្ថិតនៅសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ វេលាម៉ោង ១២និង៤៥នាទៅយប់ ឈានចូលថ្ងៃទី២៤ ខែវច្ឆិកា ឆ្នាំ2021។

ប្រភពព័ត៌មានពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញបុរសម្នាក់ បានបើករថយន្តម៉ាក Navara មួយគ្រឿង ដែលពាក់ស្លាកលេខ ភ្នំពេញ 2AX-9289 ធ្វើដំណើរតាមបណ្ដោយផ្លូវបេតុង OCIC ក្នុងទិសដៅជើងទៅត្បូង ចំណុចកើតហេតុបានរេចង្កូតទៅបុកនឹងបង្គោលភ្លើងបំភ្លឺផ្លូវ បណ្ដាលឲ្យដាច់ រងការខូចខាតទាំងរថយន្តយ៉ាងដំណំ ។ ភ្លាមនោះសមត្ថកិច្ចក៏បានមកដល់បានធ្វើការឃាត់ម្ចាស់រថយន្តបញ្ជូនទៅសាកសួរភ្លាមៗផងដែរ។

ក្រោយកើតហេតុសមត្ថកិច្ចជំនាញចរាចរណ៍ របស់អធិការនគរបាលខណ្ឌជ្រោយចង្វារ ក៏បានមកដល់បានទំនាក់ទំនងឲ្យសមត្ថកិច្ចជំនាញចរាចរណ៍ផ្លូវគោក ធ្វើការស្ទូចរថយន្តយកទៅរក្សាទុកដើម្បីរង់ចាំម្ចាស់ចូលដោះស្រាយតាមផ្លូវច្បាប់បន្តទៀត ៕ Mrr Tra