ខេត្តមណ្ឌលគីរី ៖ មានការភ្ញាក់ផ្អើលកាលពីវេលាម៉ោង១១និង៣០នាទីថ្ងៃត្រង់ទី២៣ ខែវិច្ឆិកា ឆ្នាំ២០២១ ដោយលោកមេភូមិម្នាក់ បានដុត ផ្ទះ ខ្លួន ឯង ខ្ទេច ត្រូវ បាន សមត្ថកិច្ច ឃាត់ ខ្លួនទៅសាកសួរភ្លាមៗ ទីតាំងកើតហេតុក្នុងភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។

សមត្ថកិច្ចបានឲ្យដឹងថា លោកមេភូមិឈ្មោះ កេត វុទ្ធី ភេទ ប្រុស អាយុ ៤២ឆ្នាំ បានដុតផ្ទះខ្លួនឯងចំនួនមួយខ្នងទំហំ ទទឹង ៧x១៨ ម៉ែត្រ ធ្វើអំពីឈើ ប្រក់ស័ង្កសី ក្រាលការ៉ូក្រោម បណ្តាលឲ្យឆេះខូចខាតរួមមាន៖

- ទូរដាក់ខោអាវចំនួន ០២

- តុឈើចំនួន ០២

- កៅអីតុកាតាចំនួន ០៧

- គ្រែដេកចំនួន ០៣

- ម៉ាស៊ីនបោកខោអាវចំនួន ០១ គ្រឿង

- ទូរទស្សន៍ចំនួន ០១ គ្រឿង

- កង្ហាល់ចំនួន ០២ គ្រឿង

- ខ្សែកមាសចំនួន ០១ ខ្សែទម្ងន់ ៦ជី

- ម៉ូទ័របូមទឹកចំនួន ០២

- ម៉ាស៊ីនកាត់ស្មៅចំនួន ០១ គ្រឿង

- ម៉ាស៊ីនត្រង់ស៊ីនឺរចំនួន ០១ គ្រឿង

- អង្ករចំនួន០១បេ ៥០ គីឡូ ក្រាម ។

បច្ចុប្បន្នជនបង្ក ត្រូវបានកម្លាំងចាប់ឃាត់ខ្លួនទុកនៅអធិការដ្ឋាននគរបាលក្រុងសែនមនោរម្យ សាកសួរបំភ្លើ ដើម្បី អនុវត្តតាមនីតិវិធីច្បាប់ ។

សូមបញ្ជាក់បន្ថែមថា ករណីខាងលើកងកម្លាំងអគ្គិភ័យបានប្រើប្រាស់រថយន្តអគ្គីភ័យអស់ចំនួន ០៣ គ្រឿង ប្រើប្រាស់អស់ ទឹកចំនួន ០៦ រថយន្ត ចាប់ពីម៉ោង ១១និង៣០ នាទី ដល់ម៉ោង ០២និង៣០ នាទី ទើបរលត់អស់ទាំងស្រុង ៕ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ