ខេត្តបាត់ដំបង ៖ ជនសង្ស័យម្នាក់ ត្រូវបានសមត្ថកិច្ចធ្វើការចាប់ឃាត់ខ្លួន ក្រោយលួចកាត់យកខ្សែភ្លើងគេតាមផ្ទះនៅក្រុងបាត់ដំបង កាលពីវេលាម៉ោង ៤និង៣០នាទី ទៀបភ្លឺ ថ្ងៃទី២២ ខែវិច្ឆិកា ឆ្នាំ២០២១នៅចំណុច ភូមិកម្មករ សង្កាត់ស្វាយ ប៉ោ ក្រុងបាត់ ដំបង ខេត្តបាត់ដំបង ។
សមត្ថកិច្ចបានឲ្យដឹងថា ជនសង្ស័យមានម្នាក់ ឈ្មោះ វ៉ាន់ តុង ភេទប្រុ ស អាយុ ១៩ឆ្នាំ មានទីលំនៅភូមិកម្មករសង្កាត់ ស្វាយប៉ោ ក្រុងបាត់ ដំ បង។
សូមបញ្ជាក់ថា កាលពីយប់ថ្ងៃទី២ ២ ខែ វិច្ឆិកា ឆ្នាំ ២០២១ វេលាម៉ោងរំលងអាធ្រាត ឈានចូលថ្ងៃទី២៣ ខែ វិច្ឆិកា ឆ្នាំ ២០២១ ជនសង័្សយបានធ្វើស កម្មភាពលួចយកខ្សែភ្លើងនិងខ្សែម៉ាស៊ីនត្រជាក់របស់ជនរងគ្រោះឈ្មោះ ប៊ី សុភ ក្រ ភេទប្រុស អាយុ៣៥ ឆ្នាំមានទីលំ នៅនៅភូមិកម្មករ សង្កាត់ ស្វាយ ប៉ោក្រុងបាត់ដំបង ។ ភ្លាមៗជនរងគ្រោះបានរាយការណ៍មកសមត្ថកិច្ចនគរបាល ហើយពេលបន្ទាប់មក សមត្ថកិច្ចបានតាមរកឃើញនិង នាំខ្លួនជនសង័្សយខាងលើតែម្តង។
ក្រោយពីសាកសួរជនសង្ស័យខាងលើ បានសារភាពថា ខ្លួនពិតជាបានធ្វើសកម្មភាពពិតប្រាកដមែន និងដកហូតបាន ខ្សែភ្លើងម៉ាស៊ីនត្រជាក់ចំនួន ១៣ម៉ែត្រ, ខ្សែភ្លើងទំហ៊ំ១x១ចំនួន ០២ម៉ែត្រ , ទុយោស្ពាន់ម៉ាស៊ីនត្រជាក់ចំនួន ០៤ ដុំតូច ។
បច្ចុប្បន្នជនសង្ស័យ ខាងលើ ត្រូវបានអធិការដ្ឋាននគរបាលក្រុងបាត់ដំបង កំពុងរៀបចំសំណុំរឿងបញ្ជូនមកការិ យាល័យជំនាញ អនុវត្តតាមនីតិវិធី ច្បាប់៕
