រាជធានីភ្នំពេញ ៖ ជនសង្ស័យចំនួន០៣នាក់ ត្រូវបានសមត្ថកិច្ចប៉ុស្តិ៍នគរបាលរដ្ឋបាល ទួលសង្កែទី១ ស្រាវជ្រាវ និងឃាត់ខ្លួន ករណីលួចគាស់ផ្ទះយកម៉ូតូ

នៅថៃ្ងទី២៦ ខែវិចិ្ឆកា ឆាំ្ន២០២១ វេលាម៉ោង១យប់ រំលងអាធ្រាត្រ សមត្ថកិច្ចប៉ុស្តិ៍នគរបាលរដ្ឋបាល ទួលសង្កែទី១ ឃាត់ខ្លួនជនសង្ស័យចំនួន០៣នាក់ ករណីលួចគាស់ផ្ទះយកម៉ូតូ នៅចំណុចក្រុម៩ ផ្លូវរថភ្លើង ភូមិចុងខ្សាច់ សង្កាត់ទួលសង្កែទី១។ នេះបើយោងតាមផេក ស្នងការដ្ឋាននគរបាលរាជធានីភ្នំពេញ ។

សមត្ថកិច្ចបានឲ្យដឹងថា ជនរងគ្រោះឈ្មោះ ស្រួយ រដ្ឋា ភេទស្រី អាយុ ២៧ឆ្នាំ មុខរបរ បុគ្គលិកក្រុមហ៊ុន ស្នាក់នៅបន្ទប់ជួល ផ្លូវ៩០៧ ក្រុម៧ ភូមិទួលសងែ្ក សង្កាត់ទួលសងែ្ក១ ខណ្ឧឫស្សីកែវ។

ចំណែកជនសង្ស័យ ដែលសមត្ថកិច្ចឃាត់ខ្លួនបានមានចំនួន០៣នាក់ រួមមាន៖

១- ឈ្មោះ សៀង ស្រាន់ ភេទប្រុស អាយុ២៩ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល ក្រុម៩ ផ្លូវរថភ្លើង ភូមិចុងខ្សាច់ សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន)។

២- ឈ្មោះលី សៀង ភេទប្រុស អាយុ២៨ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល ក្រុម៩ ផ្លូវរថភ្លើង ភូមិចុងខ្សាច់ សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន)។

៣- ឈ្មោះអ៊ុក មករា ភេទប្រុស អាយុ៣១ឆាំ្ន មុខរបរមិនពិតប្រាកដ ស្នាក់នៅបន្ទប់ជួល ក្រុម៩ ផ្លូវរថភើ្លង ភូមិចុងខ្សាច់ សងា្កត់ទួលសងែ្ក១ ខណ្ឧឫស្សីកែវ (មានសាធាតុញៀន)។

សូមបញ្ជាក់ថា កាលពីថ្ងៃទី២៥ ខែវិចិ្ឆកា ឆ្នាំ២០២១ វេលាម៉ោង១១ ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាល ទួលសង្កែទី១ ថាមានចោរចូលគាស់ផ្ទះ របស់គាត់យកម៉ូតូ ចំនួន០២គ្រឿង ហើយសមត្ថកិច្ច បានចុះមកស្រាវជ្រាវ ដល់ទីតាំងកើតហេតុ តែម្តង និងធើ្វការស្រាវជ្រាវឃាត់ជនសង្ស័យបាន ចំនួន០៣នាក់។

ក្នុងនោះសម្ភារៈបាត់បង់រួមមាន ម៉ូតូម៉ាកហុងដាស្កុបពី ពណ៌ក្រហម ស៊េរីឆ្នាំ២០១៨ ស្លាកលេខភ្នំពេញ1HW 5966, ម៉ូតូម៉ាកហុងដា MSX ពណ៌ស មិនចាំសា្លកលេខ ។ ដកហូតបាន ម៉ូតូម៉ាកស៊ុយសូគីនិច ពណ៌ស ស្លាកលេខ ភ្នំពេញ1GY 0879 របស់ជនសង្ស័យ, ដែកកែឆ្នៃសំប៉ែតចុងស្រួច ចំនួន០១។

បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់ ៕