រាជធានីភ្នំពេញ ៖ រថយន្ដស៊េរីទំនើប២គ្រឿង បានបុកគ្នាពេញទំហឹង បណ្ដាលអោយរងការខូចខាតយ៉ាងដំណំ កាលពីវេលាម៉ោង ៩យប់ ថ្ងៃទី២៨ ខែវិច្ឆិកា ឆ្នាំ២០២១ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ ។

ប្រភពព័ត៌មាន ពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់ ដែលជាជនបរទេស បានបើករថយន្តម៉ាក Range Rover ស៊េរីទំនើបមួយគ្រឿង ដែលពាក់ស្លាកលេខ ភ្នំពេញ 2H-9799 ធ្វើដំណើរតាមបណ្ដោយផ្លូវ ៦០៨ ស្ថិតនៅក្នុងសង្កាត់បឹងកក់ទី២ ខណ្ឌទួលគោក ក្នុងទិសដៅពីលិចទៅកើត លុះមកដល់ចំណុចកើតហេតុ ក៏បានរេចង្កូតទៅបុករថយន្តស៊េរីទំនើបម៉ាក Fourtuner ដែលពាក់ស្លាកលេខ ភ្នំពេញ 2AO-2030 បុកចំពេញពីក្រោយមួយទំហឹង បណ្ដាលឲ្យរថយន្តទាំង២គ្រឿង រងការខូចខាតយ៉ាងដំណំ តែសំណាងល្អ គ្មាននរណាម្នាក់ រងរបួសនោះទេ ។

ក្រោយពេលកើតហេតុ សមត្ថកិច្ចមូលដ្ឋាន បានមកដល់ និងទំនាក់ទំនងឲ្យសមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌទួលគោក ធ្វើការវាស់វែង យករថយន្តទាំង២គ្រឿង យកទៅរក្សាទុកនៅអធិការដ្ឋាននគរបាលខណ្ឌទួលគោក ដើម្បីធ្វើការដោះស្រាយគ្នាតាមនីតិវិធីច្បាប់បន្តទៀត៕ Mrr Ka