រាជធានីភ្នំពេញ ៖ រថយន្ដស៊េរីទំនើប បានបុកគ្នាជាមួយរថយន្ដដឹកខ្សាច់ បណ្ដាលឲ្យរងការខូចខាតយ៉ាងដំណំ នៅសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ វេលាម៉ោង ៧យប់ ថ្ងៃទី២៩ ខែវិច្ឆកា ឆ្នាំ២០២១។

ប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ គេឃើញមានរថយន្ដស៊េរីទំនើម៉ាក Luxe’s NX200t មួយគ្រឿង ដែលពាក់ស្លាកលេខ ភ្នំពេញ 2BE-1886 បានធ្វើដំណើតាមបណ្ដោយផ្លូវ ១៨០០ មកដល់ផ្លូវបំបែកជា៣ ក៏បានបុករថយន្ដធន់ធំដឹកខ្សាច់មួយគ្រឿង ដែលពាក់ស្លាកលេខ ភ្នំពេញ 3A-7261 ពេញមួយទំហឹង បណ្ដាលអោយរថយន្ដទាំង២គ្រឿង ខូចខាតយ៉ាងដំណំ ។

ក្រោយពេលកើតហេតុ សមត្ថកិច្ចមូលដ្ឋានបានទាក់ទងសមត្ថកិច្ចជំនាញចរាចរណ៍ របស់ស្នងការដ្ឋាននគរបាលរាជធានីភ្នំពេញ ធ្វើការវាស់វែងនិងស្ទូចរថយន្តទាំង២គ្រឿង យកទៅរក្សាទុកនៅស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលមកដោះស្រាយទៅតាមផ្លូវច្បាប់ ៕ Mrr Tra