រាជធានីភ្នំពេញ ៖ រថយន្ដ Luxes GS300មួយគ្រឿង បានរេចង្កូតទៅបុក របងសាលារៀនមួយកន្លែង បណ្ដាលអោយរងការខូចខាតយ៉ាងដំណំ កាលពីវេលាម៉ោង ១យប់ ថ្ងៃទី១ ខែធ្នូ ឆ្នាំ២០២១ នៅសង្កាត់ឃ្មួញ ខណ្ឌសែនសុខ រាជធានីភ្នំពេញ ។

ប្រភពព័ត៌មានពីសមត្ថកិច្ចមូលដ្ឋាន បានឱ្យដឹងថា មុនពេលកើតហេតុ គេបានឃើញ រថយន្ត Luxes GS300 មួយគ្រឿង ពណ៌ស មិនមានស្លាកលេខ បានធ្វើដំណើរ តាមបណ្ដោយផ្លូវបេតុង ក្នុងទិសដៅពីកើតមកលិច មកចំណុចកើតហេតុ ក៏បានរេចង្កូតទៅបុកនឹងរបងសាលារៀន មួយកន្លែង បាក់ខ្ទេច បណ្ដាលឲ្យរងការខូចខាតយ៉ាងដំណំ សំណាងគ្មាននរណាម្នាក់ រងរបួសនោះទេ។

ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌសែនសុខ ក៏បានមកដល់បានធ្វើការវាស់វែង និងយករថយន្ត Luxes GS300ខាងលើ យកទៅអធិការដ្ឋាននគបាលខណ្ឌសែនសុខ ដើម្បីរង់ចាំមកដោះស្រាយគ្នាទៅតាមផ្លូវច្បាប់បន្តទៀត ៕ Mrr Tra