រាជធានីភ្នំពេញ៖ រថយន្ដព្រូស មួយគ្រឿង បើកយ៉ាងលឿន មិនប្រយ័ត្ន លុះមកដល់ចំណុចផ្លូវកោង បានជ្រុលទៅបុកនឹងសួនច្បារផ្លូវ ពេញទំហឹង បណ្ដាលឲ្យរងការខូចខាតយ៉ាងដំណំ កាលពីវេលាម៉ោង១០ យប់ថ្ងៃទី៣០ ខែវិច្ឆិកា ឆ្នាំ២០២១ នៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

ប្រភពព័ត៌មានពីបងប្អូនប្រជាពលរដ្ឋ បានអោយដឹងថា មុនពេលកើតហេតុ គេបានឃើញរថយន្ដព្រូស មួយគ្រឿង ដែលពាក់ស្លាកលេខ ភ្នំពេញ 2BK-2925 បើកយ៉ាងលឿន តាមបណ្ដោយផ្លូវR៨ ភ្លាមនោះរថយន្ដខាងលើ ពេលបើកមកដល់ផ្លូវកោង ក៏បានបុកនឹងសួនផ្លូវច្បារចែកទ្រូងផ្លូវ ហើយរេចង្កូតទៅបុកនឹងឃឿនផ្លូវកល់ជាប់តែម្តង ។

ក្រោយពេលកើតហេតុ រថយន្ដខាងលើ បានចេញសំណង សងថ្លៃខូចខាត ទៅឲ្យក្រុមហ៊ុន ខាងលើ ដើម្បីបញ្ចប់រឿងនៅនឹងកន្លែងកើតហេតុផងដែរ ៕ Mrr Tra