ខេត្តកណ្តាល ៖ ក្រុមចោររទេះ ដែលតែងតែធ្វើសកម្មភាពលួចនៅពេលយប់ ហើយប្រទះអីលួចហ្នឹង ត្រូវសមត្ថកិច្ចអធិការដ្ឋាននគរបាលក្រុងតាខ្មៅ ធ្វើការចាប់ឃាត់ខ្លួនបាន កាលពីវេលាម៉ោង ៣ និង៣០នាទី រសៀលថ្ងៃទី២ ខែធ្នូ ឆ្នាំ២០២១ ខណៈលួចដែកក្លោងទ្វាររបងផ្ទះ ភូមិព្រែកហូរកើត១ សង្កាត់ព្រែកហូរ ក្រុងតាខ្មៅ ខេត្តកណ្តាល។ នេះបើយោងតាមផេក អធិការដ្ឋាននគរបាលក្រុងតាខ្មៅ ។

សមត្ថកិច្ចបានឲ្យដឹងថា ជនរងគ្រោះមានឈ្មោះ ស៊ុន សុវណ្ណ ភេទប្រុស អាយុ៤៦ឆ្នាំ រស់នៅភូមិព្រែកហូរកើត១ សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរលក់បន្លែ។

ចំណែកជនសង្ស័យ៣នាក់ រួមមាន ៖

១-ឈ្មោះស្រៀង ដួង ភេទស្រី អាយុ២៩ឆ្នាំ ជនជាតិខ្មែរ ស្នាក់នៅ សង្កាត់ចាក់អង្រែលើ ខ័ណ្ឌមានជ័យ រាជធានីភ្នំពេញ, មុខរបរ:មិនពិតប្រាកដ

។

២-ឈ្មោះហែម វណ្ណៈ ហៅធី ភេទប្រុស អាយុ៣៤ឆ្នាំជនជាតិខ្មែរ ស្នាក់នៅភូមិជើងឯក សង្កាត់ជើងឯក ខ័ណ្ឌដង្កោ រាជធានីភ្នំពេញ មុខរបរមិនពិតប្រាកដ ។

៣-ឈ្មោះសុខ ប្រុស ភេទប្រុស អាយុ៣០ឆ្នាំ ទីលំនៅភូមិព្រៃធំ ឃុំព្រៃធំស្រុកកៀនស្វាយ ខេត្តកណ្តាលមុខរបរ:មិនពិតប្រាកដ។

ក្នុងនោះសមត្ថកិច្ចធ្វើការដកហូតបាន ៖

១-ម៉ូតូ១គ្រឿងម៉ាកHONDA125ពណ៌ខ្មៅសេរី២០០៥ពាក់ផ្លាកលេខភ្មំពេញ1N8739។

២-រទេះអូសធ្វេីពីដែកពណ៌ខៀវចំនួន១ ។

៣-ដែកបួនជ្រុងឆ្នៃជាក្លោងទ្វារមានបណ្តោយ២,៥០ម៉ែត្រ ទទឹង២ម៉ែត្រចំនួន៦កំណាត់(របស់ជនរងគ្រោះ)។

៤-ប៊ីដុងជ័រចំណុះ៣០លីត្រចំនួន៣ ។

៥-ទូរសព្ទដៃចំនួន៣គ្រឿង(ម៉ាកSAMSUNGពណ៌១, ម៉ាកNOKIA Nចុចពិល១, មិនស្គាល់ម៉ាក១)។

៦-កាបូស្ពាយពណ៌សូកូឡាចំនួន១ ។

សូមបញ្ជាក់ថា មុនពេលកើតហេតុ ជនរងគ្រោះនិងក្រុមគ្រួសារកំពុងតែដេកនៅក្នុងផ្ទះរបស់ខ្លួន ពេលនោះស្រាប់តែក្រុមជនសង្ស័យបានធ្វើសកម្មភាពលួចយកដែកក្លោងទ្វារដែលជនរងគ្រោះទុកនៅមុខផ្ទះ លើកដាក់លើរទេះអូស ដោយម៉ូតូក៏ត្រូវជនរងគ្រោះឃើញទាន់ បាននាំគ្នាចាប់ឃាត់ខ្លួនរួមទាំងវត្ថុតាងប្រគល់ជូនសមត្ថកិច្ចយកមកសាកសួរនៅប៉ុស្តិ៍ រួចបញ្ជូនបន្តមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីច្បាប់។ ក្នុងនោះ កន្លងមកប្រជាពលរដ្ឋនៅក្នុងសង្កាត់ព្រែកហូរធ្លាប់បាត់សម្ភារៈប្រើប្រាស់ផ្សេងៗជាច្រើនដូចជា តុ កៅអី ឆ័ត្រ ឈ្នួរខោអាវ ជាដើម ដោយសារក្រុមជនសង្ស័យដែលមានរ៉ឺម៉កដឹកលួចពេលយប់ ៕