នៅព្រឹកទី២២ ខែមករា ឆ្នាំ២០២២នេះ ក្រុមហ៊ុនភេសជ្ជៈប៉ូវកម្លាំងឆេមពានបន្តប្រគល់រង្វាន់ម៉ូតូហុងដាស្កូបពី០១គ្រឿងបន្ថែមទៀត ដល់អតិថិជនរបស់ខ្លួននៅរាជធានីភ្នំពេញ។

អ្នកមានសំណាងឈ្នះរង្វាន់ម៉ូតូSCOOPY ពីឆេមពានអាយស៍នៅថ្ងៃនេះ មានឈ្មោះ តាំង គីមគុណ ភេទប្រុស អាយុ៤៨ឆ្នាំ មានមុខរបរជាអ្នកបកប្រែភាសាឱ្យមគ្គុទេសន៍ទេសចរណ៍ រស់នៅភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។ បងគីមគុណ បានរៀបរាប់ប្រាប់ថា គាត់ឃើញគេត្រូវរង្វាន់ពីឆេមពានញឹកញាប់ដែរ ចេះតែជួយអរគេ តែទើបតែត្រូវខ្លួនឯងទើបដឹងច្បាស់ថារំភើបប៉ុណ្ណា។ នៅក្នុងគ្រួសារដែលមានកូន២នាក់ក្នុងបន្ទុក ថ្ងៃនោះគាត់បានទិញឆេមពានអាយស៍០៣កំប៉ុងមកចែកគ្នាហូប ពេលអាហារព្រឹកមុនចេញទៅធ្វើការ ស្រាប់តែគាស់មកឃើញរូបម៉ូតូតែម្តងធ្វើឱ្យគាត់សប្បាយចិត្តខ្លាំង ញ័រដៃញ័រជើងរកថ្លៃងមិនត្រូវឡើយ។

ចំណែកឯអ្នកលក់ឆេមពានអាយស៍ឱ្យអ្នកឈ្នះរង្វាន់ម៉ូតូSCOOPYខាងលើ ក៏ទទួលបានកាដូលើកទឹកចិត្តជា ភេសជ្ជៈប៉ូវកម្លាំងឆេមពានអាយស៍ ចំនួន៥០កេសផងដែរនោះ គឺបងស្រី អ៊ិត ស៊ីណាល់ អាយុ៤២ឆ្នាំ ជាអ្នកលក់ភេសជ្ជៈនៅម្តុំផ្សារដីថ្មី ខណ្ឌមានជ័យ រាជធានីភ្នំពេញ។

តំណាងក្រុមហ៊ុនភេសជ្ជៈប៉ូវកម្លាំងឆេមពាន លោក ម៉ី ដារ៉ា បានអបអរដល់អ្នកឈ្នះរង្វាន់នៅពេលនេះ ហើយបន្ថែមថា សំណាងគឺមានពិត ជាពិសេសរង្វាន់ម៉ូតូScoopyក៏មានច្រើនទៀតនៅក្រោមក្រវិលកំប៉ុងឆេមពានស្រាប់។ អតិថិជនឆេមពានយិនស៊ិននិងឆេមពានអាយស៍គ្រប់ៗគ្នាសុទ្ធតែមានឱកាសឈ្នះរង្វាន់ម៉ូតូ Scoopy និងរង្វាន់ជាលុយសុទ្ធដ៏ច្រើនសន្ធឹកសន្ធាប់ដូចៗគ្នា។ លោកបានថ្លែងជូនពរដល់អតិថិជនទាំងអស់ដែលតែងតែគាំទ្រភេសជ្ជៈប៉ូវកម្លាំងឆេមពានយិនស៊ិននិងឆេមពានអាយស៍ ឱ្យមានសំណាងឈ្នះរង្វាន់ធំគ្រប់ៗគ្នា។

ភេសជ្ជៈប៉ូវកម្លាំងឆេមពានយិនស៊ិននិងឆេមពានអាយស៍ មានរង្វាន់ជាច្រើននៅក្រោមក្រវិលកំប៉ុងស្រាប់ ពិសេសរង្វាន់ជាប្រាក់រៀល៥ម៉ឺន ៥០ម៉ឺន ០១លាន និងរង្វាន់ម៉ូតូHonda Scoopy ដ៏ច្រើនសន្ធឹកសន្ធាប់ទៀតណា ៕