ខេត្តកណ្តាល ៖ នាព្រឹកថ្ងៃទី១២ ខែកុម្ភៈ ឆ្នាំ២០២២នេះ លោកជំទាវ ហ៊ុន ស៊ីណាត អញ្ជើញអមដំណើរដោយ ឯកឧត្តម ឈាង បាក់ និង ឯកឧត្តម សុខ ប៊ុនថា អនុរដ្ឋលេខាធិការ ឯកឧត្តម តូច ចាន់នី អគ្គនាយកដ្ឋានបច្ចេកទេស ប្រតិភូអម និងមន្ត្រីសរុបប្រមាណ ៣០នាក់ បាននាំយកអំណោយសប្បុរសធម៌ ដែលជួយតាមរយៈលោកជំទាវ មកប្រគល់ជូន មជ្ឈមណ្ឌលថែទាំ និងស្ដានីតិសម្បទាជនវិបល្លាសស្មារតី ស្ថិតនៅក្នុងភូមិបាគូ ឃុំបាគូ ស្រុក កណ្ដាលស្ទឹង ខេត្ត កណ្ដាល ឲ្យបានមុនថ្ងៃទិវានៃសេចក្ដីស្រលាញ់នឹងឈានចូលមកដល់នៅពេលឆាប់ៗខាងមុខនេះ ដែលជាការចែករំលែកក្តីស្រឡាញ់ ទៅកាន់បងប្អូនកូនក្មួយ ដែលគាត់មានបញ្ហាខាង វិបល្លាសស្មារតី នៅក្នុងមណ្ឌលថែទាំនេះ ។

ក្នុងឱកាសនេះដែរ លោកជំទាវ ហ៊ុន ស៊ីណាត បានអញ្ជើញជួបសំណេះសំណាល ជាមួយមន្ត្រី និងពិនិត្យការស្នាក់នៅរបស់ជនងាយរងគ្រោះ និងបន្តសំណេះសំណាលជាមួយបងប្អូនកូនក្មួយ ដែលមានបញ្ហាខាង វិបល្លាសស្មារតី និងកំពុងសម្រាកថែទាំព្យាបាលនៅក្នុងមណ្ឌលនេះ ដោយមានការទាំងការច្រៀងទទួលលោកជំទាវ ផងដែរ បង្ហាញឲ្យឃើញនូវការសប្បាយចិត្ត ដែលលោកជំទាវ អញ្ជើញមកដល់មណ្ឌលថែទាំ និងស្ដានីតិសម្បទាជនវិបល្លាសស្មារតី និងផ្តល់ក្តីស្រឡាញ់មកដល់ពួកគាត់ ។

លោកជំទាវ ហ៊ុន ស៊ីណាត ក៏បានមានប្រសាសន៍ផ្តាំផ្ញើទៅកាន់បងប្អូនទាំងអស់ ដែលកំពុងសម្រាកថែទាំនៅក្នុងមណ្ឌលនេះ ត្រូវយកចិត្តទុកដាក់ ថែទាំងសុខភាពឲ្យបានល្អ ហើយលោកជំទាវ ក៏បានអរគុណដល់ខាង មណ្ឌលថែទាំ និងស្ដានីតិសម្បទាជនវិបល្លាសស្មារតី ដែលបានទទួលពួកគាត់ ឲ្យទទួលបាននូវ សេវា ព្យាបាល ថែទាំ ប្រឹក្សាយោបល់ និងស្តារនីតិសម្បទាល្អ ប្រសើរប្រក្រតីឡើងវិញ ។

ជាមួយនោះលោកជំទាវបានប្រគល់អំណោយសម្បុរសធម៌ រួមមានទាំងគ្រឿងឧបភោគ បរិភោគដូចជា អង្ករចំនួន៣តោន, ត្រីខ ៣០កេះ , ទឹកត្រី៣០យួរ , ទឹកស៊ីអ៊ីវ ៣០យួរ និងថវិកា១០០០ដុល្លារ ជូនទៅកាន់លោក ងួន កុសល្យ ដែលជាប្រធានមណ្ឌល សម្រាប់ចាត់ចែងជួយសម្រួលដល់ការខ្វះខាត ផងដែរ។

សូមបញ្ជាក់ថានេះមិនមែនជាលើកទី១ទេ ពោលគឺច្រើនលើកច្រើនសារហើយ ដែលលោកជំទាវ ហ៊ុន ស៊ីណាត បានអញ្ជើញនាំយកអំណោយសម្បុរសធម៌ និងចូលរួមធ្វើការងារសប្បុរសធម៌ ជួយទៅដល់បងប្អូនប្រជាពលរដ្ឋដែលខ្វះខាត ដល់បណ្តាស្ថាប័នរដ្ឋ វត្តអារាមជាដើម ដើម្បីជាចំណែកមួយជួយដល់សង្គមជាតិផងដែរ។

ក្នុងនោះដែរ លោក ងួន កុសល្យ ដែលជាប្រធានមណ្ឌល ថែទាំ និងស្ដានីតិសម្បទាជនវិបល្លាសស្មារតី បានផ្តល់បទសម្ភាសន៍មកកាន់ TVFB ឲ្យដឹងថា (ដាក់សំឡេងប៉ាសម្ភាសន៍ចូល ) ៕