អ្នកទិញ០១រូប និង អ្នកលក់មីស៊ីល ០១រូបទៀត នៅខេត្តសៀមរាប បានទទួលរង្វាន់ម៉ូតូហុងដាឌ្រីម និង កាដូមីស៊ីល៥០កេស ពីក្រុមហ៊ុន។ ពិធីប្រគល់រង្វាន់នេះបានធ្វើឡើងនៅថ្ងៃអាទិត្យ ទី២០ ខែកុម្ភៈ ឆ្នាំ២០២២ ដោយមានការចូលរួមអបអរពីក្រុមគ្រួសារនិងអ្នកជិតខាងមួយចំនួនផងដែរ។

អតិថិជនមានសំណាងឈ្នះរង្វាន់ម៉ូតូHonda Dreamពីមីស៊ីល ពេលនេះមានឈ្មោះ ហែម សុគន់ ភេទប្រុស អាយុ៤៣ឆ្នាំ មុខរបរជាកសិករធ្វើស្រែ រស់នៅភូមិត្នោតកំបុត ឃុំកំពង់ភ្លុក ស្រុកប្រាសាទបាគង ខេត្តសៀមរាប។ ថ្ងៃនោះពេលត្រឡប់ពីបាញ់ថ្នាំស្មៅឯស្រែវិញ ជិតថ្ងៃត្រង់ទៅហើយ ចំពេលគាត់ស្រេកទឹកផង ក៏បានចូលទិញមីស៊ីល០១កំប៉ុងដើម្បីហូបប៉ូវកម្លាំង ពេលគាស់មកមើលក្រវិលកំប៉ុងស្រាប់តែឃើញរូបម៉ូតូ គាត់សឹងតែមិនជឿខ្លួនឯង ក៏សួរអ្នកលក់បន្ថែម អ្នកលក់ជួយមើលហើយក៏បញ្ជាក់ថាត្រូវរង្វាន់ម៉ូតូមែន នាំគ្នាស្រែកប្រាប់គេឯងធ្វើឱ្យផ្អើលបងប្អូនជួយមើលពេញតូបលក់តែម្តង។

ចំណែកឯអ្នកលក់ភេសជ្ជៈប៉ូវកម្លាំងមីស៊ីលឱ្យអ្នកឈ្នះរង្វាន់ម៉ូតូHonda Dreamខាងលើ ក៏ ទទួលបានកាដូ លើកទឹកចិត្តជាភេសជ្ជៈប៉ូវកម្លាំងមីស៊ីលចំនួន៥០កេសផងដែរ គឺប្អូនស្រី ហឿង សុភីត ជាអ្នកលក់ភេសជ្ជៈ នៅភូមិកំពង់ថ្កូវ ឃុំមានជ័យ ស្រុកប្រាសាទបាគង។

តំណាងក្រុមហ៊ុនភេសជ្ជៈប៉ូវកម្លាំងមីស៊ីល លោក ស្តើង រចនា បានសម្តែងការអបអរដល់អ្នកឈ្នះរង្វាន់ម៉ូតូពីមីស៊ីលនៅពេលនេះ ហើយបន្ថែមថាថ្ងៃមុនលោកក៏បានដឹកម៉ូតូមកប្រគល់ឱ្យបងប្អូនឈ្នះរង្វាន់នៅតំបន់នេះម្តងរួចហើយដែរ និងបញ្ជាក់ថារង្វាន់ម៉ូតូHonda Dream និង លុយសុទ្ធ៥០លានរៀលនៅមានច្រើនទៀតក្រោមក្រវិលកំប៉ុងមីស៊ីលកំពុងរង់ចាំអ្នកមានសំណាង។ លោកក៏បានជូនពរឱ្យអតិថិជនទាំងអស់ដែលតែងតែគាំទ្រភេសជ្ជៈប៉ូវកម្លាំងមីស៊ីល មានសំណាងឈ្នះរង្វាន់ធំគ្រប់ៗគ្នា។