ក្រុងប៉េកាំង៖ សារព័ត៌មាន Reuters ចេញផ្សាយនៅថ្ងៃទី០៩ ខែមីនា ឆ្នាំ២០២២ បានឲ្យដឹងថា អ្នកនាំពាក្យក្រសួងការបរទេសចិន លោក Zhao Lijian បាននិយាយថា កាកបាទក្រហមចិន នឹងផ្តល់ជំនួយមនុស្សធម៌ចំនួន ៥លានយ័ន (៧៩១ ៥៤០ដុល្លារអាមេរិក) ដល់ប្រទេសអ៊ុយក្រែន ដែលរួមមានទាំងសម្ភារប្រើប្រាស់ប្រចាំថ្ងៃផងដែរ។

ការវាយលុករបស់រុស្ស៊ីលើអ៊ុយក្រែនកាលពីខែមុន បានជំរុញឲ្យជនជាតិអ៊ុយក្រែន ២លាននាក់ ភៀសខ្លួនទៅក្រៅប្រទេស ខណៈអ្នកនៅសេសសល់ក្នុងទីក្រុង Mariupol ដែលកំពុងឡោមព័ទ្ធ មិនមានចរន្តអគ្គិសនី កម្តៅ អាហារ និងទឹកផឹក បន្ទាប់ពីមានការទម្លាក់គ្រាប់បែកអស់រយៈពេលជាងមួយសប្តាហ៍។

ចិន បាន បដិសេធ ហៅ សកម្មភាព រុស្ស៊ី នៅ អ៊ុយក្រែន ថា ជា ការ ឈ្លានពាន ខណៈរុស្ស៊ី ហៅ សកម្មភាព របស់ ខ្លួន ថា ជា «ប្រតិបត្តិការ ពិសេស»៕

ប្រភព៖ Reuters