រាជធានីភ្នំពេញ ៖ លោក លៀក ចាន់រាបសា ពីអធិការរងនគរបាលខណ្ឌទួលគោក ទៅជាអធិការនគរបាលខណ្ឌជ្រោយចង្វារ ជំនួសលោក សៀម សុវត្ថាវុធ ត្រូវទៅកាន់តំណែងជានាយការិយាលនគរបាលសណ្តាប់ធ្នាប់។

នេះបើតាមសេចក្តីប្រកាសរបស់សម្តេចក្រឡាហោម ស ខេង ដែលបណ្តាញព័ត៌មាន ព័ត៌មានក្នុងស្រុកល្ងាចថ្ងៃទី២០ ខែមេសា ឆ្នាំ២០២២នេះ។

មន្រ្តីនគរបាលរាជធានីភ្នំពេញ បានឲ្យដឹងថា ពិធីប្រកាសផ្លាស់ប្តូរ និងតែងតាំងមុខតំណែងនេះ នឹងធ្វើឡើងនៅស្នងការដ្ឋាននគរបាលរាជធានីភ្នំពេញនាថ្ងៃស្អែក ក្រោមវត្តមានលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ៕