យោងតាមសារព័ត៌មាន

Khaosod របស់ប្រទេសថៃ បានឲ្យដឹងថា និយាយអំពីឪពុកអាយុ ៧៥ឆ្នាំ Zhang Shuangqi (ចាង ហ្សុងហ្ស៊ី) និងកូនស្រីអាយុ២៤ ឆ្នាំ Zhang Baige (ចាង ប៉ៃយ៍ ) ពួកគេមិនមែនជាឪពុកនិងកូនបង្កើតនោះទេ។ Zhang Shuangqi (ចាង ហ្សុងហ្ស៊ី) គ្រាន់តែជាកសិករក្រីក្រម្នាក់តែប៉ុណ្ណោះ ប៉ុន្តែគាត់បានយក Zhang Baige (ចាង ប៉ៃយ៍ ) ដោយមកចិញ្ចឹមដោយគ្មានលក្ខខណ្ឌអ្វីទាំងអស់។

រហូត មក ដល់ សព្វ ថ្ងៃ នេះ កូន ស្រី របស់ លោកដែលលោករើសយកមកចិញ្ចឹម បាន ជោគជ័យ ក្នុងជីវិតហើយ។ ដូច្នេះ នាង បាន តបស្នង គុណ ឪពុក ម្នាក់នេះ យ៉ាង ល្អ ។

ត្រលប់ទៅខែមីនាឆ្នាំ 1997 លោក Zhang Shuangqi (ចាង ហ្សុងហ្ស៊ី)គ្រាន់តែជាកសិករក្រីក្រម្នាក់ រស់នៅតំបន់ជនបទក្នុងខេត្ត Henan ។ ទោះបីជាគាត់ចាស់ ប៉ុន្តែ គាត់ មិន បាន រៀបការ ដោយ សារ តែ ភាព ក្រីក្រ។ ថ្ងៃមួយ ខណៈពេលដែលលោកកំពុងធ្វើដំណើរទៅធ្វើស្រែចម្ការ។ គាត់ បាន ប្រទះ ឃើញ ទារក ម្នាក់ ត្រូវ បាន គេ បោះ បង់ ចោល នៅ វាលស្រែ។ ដូច្នេះ គាត់ បាន នាំ កូន នោះទៅ ផ្ទះ ជា បណ្ដោះអាសន្ន។ ដោយគាត់ បាន សួរ អ្នក ភូមិ ថា តើ មាន អ្នក ណា ភ្លេច ទារក នោះ ទេ? ទីបំផុត គាត់ បាន ដឹង ថា ទារក នោះ ត្រូវ បាន ឪពុក ម្តាយ ទុក ចោល ដោយក្តីអាណិត គាត់ក៏សម្រេចចិត្តចិញ្ចឹមកូននេះ ដោយ ដាក់ ឈ្មោះ នាង ថា Zhang Baige (ចាង ប៉ៃយ៍ ) និង ខំប្រឹងរកលុយ ដើម្បី ឱ្យ កូនស្រី របស់ គាត់បានរៀនសូត្រ មាន ជីវិត ល្អ ដោយពេលខ្លះ លោកត្រូវទៅ រើស សំរាម នៅ តាម ភូមិ និង ក្រុង ក្បែរ នោះ ដើម្បី យក ទៅ លក់។ នៅពេលដែលកូនស្រីធំឡើង នាង ក៏បានទៅរៀនសូត្រ លោកដឹងយ៉ាងច្បាស់ថា កូនស្រីរបស់គាត់ប្រហែលជាមានអារម្មណ៍មិនល្អចំពោះភ្នែករបស់មនុស្សដែលកំពុងមើល ដូច្នេះ គាត់ ខំ ប្រឹងណាស់ ខំរកលុយ រើសអេតចាយ ពេលកូនដេកលក់ ពេលយប់តែម្នាក់ឯងដោយគ្មានពេលសម្រាក ។

Zhang Baige (ចាង ប៉ៃយ៍ )បាននិយាយថា ខ្ញុំចាំថាថ្ងៃនោះមានភ្លៀងធ្លាក់ខ្លាំង។ ឪពុករបស់ខ្ញុំបានយកខ្ញុំពីសាលារៀន ដោយសារតែឪពុកក្រ សម្លៀកបំពាក់មិនស្អាត មានក្លិនមិនក្រអូបដាក់គេ ខ្ញុំឃើញឪពុក ខ្ញុំដើររកខ្ញុំក្នុងចំណោមឪពុកម្តាយផ្សេងទៀត ខ្ញុំក៏គេចពីគាត់កុំឲ្យគាត់រកឃើញកុំឲ្យខ្មាស់គេ។ ប៉ុន្តែនៅពេលដែលឪពុករបស់ខ្ញុំបានឃើញខ្ញុំ គាត់បែរជា ឲ្យ ឆ័ត្រ មួយ ដល់ ខ្ញុំ ដោយ មិន និយាយ អ្វី ទាំងអស់ ចំណែកគាត់វិញសុខចិត្តដើរទាំងភ្លៀងទៅផ្ទះ។ ថ្ងៃមួយនាងមិនចង់ញ៉ាំម្ហូបដដែលៗ ធុញនឹងជីវិតពេក នាងក៏បានគ្រវែងចានចោល ហើយឪពុករបស់នាងក៏រើស បាយមួយដុំនៅលើឥដ្ឋយ៉ាងស្ងៀមស្ងាត់ ។ ក្រោយមកទៀតសុខភាពនាងក៏មិនសូវល្អដូចក្មេងដដែល នាងក៏បានឈឺ ។ឪពុកក៏យកប្រាក់សន្សំទាំងអស់ មកចំណាយការព្យាបាលនាងដល់ក្រៅប្រទេស។

បន្ទាប់ពី Zhang Baige (ចាង ប៉ៃយ៍ )មានសុខភាពប្រសើរជាងមុន។ នាងចាប់ផ្តើមលក់ផលិតផលថែរក្សាស្បែក។ ជាសំណាងល្អ មានអតិថិជនយ៉ាងច្រើនធ្វើឲ្យប្រាក់ចំណូលរបស់នាងបន្តប្រសើរឡើង នាងបានទិញផ្ទះមួយនៅក្នុងទីក្រុង ហើយបានផ្លាស់ទៅរស់នៅជាមួយឪពុករបស់នាង។ រួមជាមួយនឹងការបង្កើតក្រុមហ៊ុនផ្ទាល់ខ្លួនរហូតទទួលបានជោគជ័យ និងមានលុយរាប់រយលានដុល្លារ មានក្រុមហ៊ុន និងផលិតផលផ្ទាល់ខ្លួន គ្រប់ គ្នា គិត ថា នាង នឹង បន្ត យក ចិត្ត ទុក ដាក់ និង អភិវឌ្ឍ អាជីវកម្ម។ ប៉ុន្តែ នាង ភ្ញាក់ផ្អើល គ្រប់គ្នា ក្រោយនាងបាន លក់ ក្រុមហ៊ុន យក លុយ នាំប៉ាដើរលេងជុំវិញប្រទេស និងជុំវិញពិភពលោក ដោយមានអ្នកខ្លះសួរនាងថា ហេតុអ្វីសម្រេចចិត្តបែបនេះ តែនាងតបថា នាងមិនដឹងថា តើនាងអាចនៅជាមួយឪពុកនាងបានយូរប៉ុណ្ណានោះទេ។ ហើយសំខាន់បំផុតប្រសិនបើជាគ្មានឪពុករបស់នាង រើសនាងយកមកចិញ្ចឹមទេ នាងប្រហែលជាមិនមកដល់ចំណុចនេះទេ ៕