អន្តរជាតិ៖ សារព័ត៌មាន RT ចេញផ្សាយនៅថ្ងៃទី០៣ ខែមិថុនា ឆ្នាំ២០២២ បានឲ្យដឹងថា សេតវិមានគ្រោងនឹងលក់យន្តហោះគ្មានមនុស្សបើកប្រយុទ្ធ MQ-1C Grey Eagle ចំនួន៤គ្រឿងដល់ទីក្រុងកៀវ នេះបើតាម Reuters បានរាយការណ៍កាលពីថ្ងៃពុធ។ របាយការណ៍បាននិយាយថា ប្រធានាធិបតីសហរដ្ឋអាមេរិក ចូ បៃដិន មានបំណងជូនដំណឹងដល់សភាអំពីការលក់សក្តានុពល «នៅក្នុងប៉ុន្មានថ្ងៃខាងមុខនេះ»។
The Grey Eagle គឺជាយន្តហោះដ្រូនវាយប្រហារ MQ-1 Predator ជំនាន់ថ្មីរបស់កងទ័ពសហរដ្ឋអាមេរិក ដែលត្រូវបានគេប្រើយ៉ាងទូលំទូលាយសម្រាប់ការវាយប្រហារតាមអាកាសនៅមជ្ឈិមបូព៌ា។
យន្តហោះគ្មានមនុស្សបើកអាចហោះហើរបានរយៈពេល ៤០ម៉ោង និងត្រូវបានបំពាក់ដោយកាំជ្រួច Hellfire រហូតដល់ប្រាំបីគ្រាប់។
យោងតាម Reuters ការលក់នៅតែអាចត្រូវបានរារាំងដោយសភាឬលុបចោលដោយសេតវិមាន។ របាយការណ៍នេះបាននិយាយថា ផែនការនេះកំពុងស្ថិតក្រោមការត្រួតពិនិត្យ នៅមន្ទីរបញ្ចកោណ អស់រយៈពេលជាច្រើនសប្តាហ៍។ អ្នកនាំពាក្យសេតវិមាន បានបង្វែរសំណើសុំការអត្ថាធិប្បាយរបស់ Reuters ទៅកាន់មន្ទីរបញ្ចកោណ ដែលអ្នកនាំពាក្យបានប្រាប់ទីភ្នាក់ងារសារព័ត៌មានថា មិនមាន អ្វីត្រូវប្រកាសនោះទេ។
គួរបញ្ជាក់ថា កាលពីខែមុន លោក បៃដិន បានអនុញ្ញាតឲ្យមានថវិកាចំនួន ៤០ ពាន់លានដុល្លារលើផ្នែកយោធា និងជំនួយផ្សេងទៀតដល់អ៊ុយក្រែន ចំពេលមានយុទ្ធនាការយោធារបស់រុស្ស៊ីប្រឆាំងនឹងប្រទេសជិតខាង។ កន្លងមក វ៉ាស៊ីនតោន បានប្តេជ្ញាថានឹងផ្គត់ផ្គង់ក្រុងគៀវ នូវយន្តហោះគ្មានមនុស្សបើកប្រឆាំងគ្រឿងសឹក Switchblade kamikaze និងយន្តហោះដ្រូនឃ្លាំមើល Puma។ ទន្ទឹមនឹងនេះដែរ ប្រទេសអ៊ុយក្រែនបាននឹងកំពុងប្រើប្រាស់យន្តហោះចម្បាំង Bayraktar TB2 ដែលផលិតដោយទួរគីវាយប្រហារ UAV នៅលើសមរភូមិ។
កាលពីថ្ងៃពុធ លោក បៃដិន បានបញ្ជាក់ថា ទីក្រុងវ៉ាស៊ីនតោន នឹងបញ្ជូនកាំជ្រួចជាច្រើនគ្រាប់ HIMARS ទៅកាន់ប្រទេសអ៊ុយក្រែន ដែលជាផ្នែកនៃ«កញ្ចប់ជំនួយសន្តិសុខ»ចុងក្រោយបង្អស់។
ទីក្រុងមូស្គូបានព្រមានថា ប្រព័ន្ធសព្វាវុធដែលផលិតដោយបរទេសណាមួយ នឹងត្រូវចាត់ទុកជាគោលដៅស្របច្បាប់ នៅពេលដែលឆ្លងកាត់ចូលទឹកដីអ៊ុយក្រែន៕
ប្រភព៖ RT
