រាជធានីភ្នំពេញ ៖ នៅព្រឹកថ្ងៃទូ២៥ ខែមិថុនា ឆ្នាំ២០២២នេះ ក្រុមហ៊ុន E Finger Technology Co.,Ltd បានប្រារព្ធធ្វើពិធីសម្ភោធជាផ្លូវក្រុមហ៊ុន APP YOUNGSIA PURCHASE នៅសណ្ឋាគារភ្នំពេញអេរ៉ា ដោយមានការអញ្ជើញចូលរួមពីសំណាក់ភ្ញៀវកិត្តិយស ពិសេសវត្តមានលោក Haruhiro Sato ភាគហ៊ុនក្រុមហ៊ុន លោក Jet Lee នាយកគ្រប់គ្រងក្រុមហ៊ុន គណៈគ្រប់គ្រងក្រុមហ៊ុន និងបុគ្គលិកគ្រប់ជាន់ថ្នាក់ទាំងអស់។

លោក Jet Lee នាយកគ្រប់គ្រងក្រុមហ៊ុន បានមានប្រសាសន៍បញ្ជាក់ថា ថ្ងៃនេះគឺជាថ្ងៃដ៏ពិសេសមួយសម្រាប់ APP YOUNGSIA PURCHASE នឹងក្រុមហ៊ុន E Finger Technology Co.,Ltd ដែលជាថ្ងៃសម្ពោធក្រុមហ៊ុន និង APP YOUNGSIA PURCHASE ជាផ្លូវការផងដែរ។

លោកបានបន្តថា APP YOUNGSIA PURCHASE គឺជា APP ដឹកទំនិញខ្នាតតូច និងធំ ដែលលោកអ្នកអាចប្រើប្រាស់ បានយ៉ាងងាយស្រួល លឿន រហ័សទាន់ចិត្ត និង សុវត្តិភាពខ្ពស់។ YOUNGSIA PURCHASE គឺជាកម្ម វិធីឈានមុខគេនៅក្នុងប្រទេសកម្ពុជា ដោយជួយសម្រួលដល់អតិថិជនក្នុងការទិញ ទំនិញ ដោយមិន ចាំបាច់ចេះភាសាចិន និងមិនចាំបាច់មានលុយចិន ក៏អតិថិជនអាចទិញទំនិញពីប្រទេសចិន យ៉ាងឆាប់ រហ័ស និង មានសុវត្ថិភាពខ្ពស់បំផុត! ជាពិសេសលោកអ្នកអាចតាមដានមុខទំនិញរបស់លោកអ្នកនៅ ក្នុង App បានយ៉ាងងាយស្រួល!

ក្នុងនោះ APP YOUNGSIA PURCHASE មិនត្រឹមតែជួយដឹកជញ្ចូនទំនិញឲ្យលោកអ្នកប៉ុណ្ណោះទេ ថែមទាំង មានសេវាកម្មជួយទិញទំនិញឲ្យលោកអ្នកថែមទៀតផង ។ ដោយលោកអ្នកមិនចាំបាច់ត្រូវចេះភាសា ចិន ក៏លោកអ្នកអាចទិញទំនិញរាប់ម៉ឺនមុខដែលមាននៅក្នុង APP Alibaba(1688) Taobao & Tmall ដែលមានតម្លៃសមរម្យ ថែមទៀត ។

លោក Jet Lee នាយកគ្រប់គ្រងក្រុមហ៊ុន បានបញ្ជាក់បន្ថែមឲ្យដឹងថា ដោយសង្កេតឃើញថា បច្ចុប្បន្នប្រជាជនកម្ពុជា មានភាពរីកចម្រើន និងប្រើប្រាស់ប្រព័ន្ធឌីជីថលច្រើន ក្នុងការប្រើប្រាស់ទូរសព្ទទិញទំនិញអនឡាយច្រើន និងកាន់តែច្រើននៅប៉ុន្មានឆ្នាំខាងមុខ ។ ដូច្នេះ ទើបយើងបង្កើនAPP YOUNGSIA PURCHASE នេះឡើង ដោយមានគោលដៅ២ធំៗ ទី១គឺមានគោលបំណងចង់ជួយនូវការទិញទំនិញ ព្រោះ APP YOUNGSIA PURCHASE នេះ គឺជាAPP ដែលអាចទិញទំនិញពីចិន មកខ្មែរប្រើដោយផ្ទាល់ ។ ទី២ គឺក្រុមហ៊ុនចង់ជួយ សម្រួលការទិញរបស់អតិថិជន ដែលយកមកធ្វើអាជីវកម្មផ្ទាល់ ក៏ដូចជាលក់តាមអនឡាញ បានតម្លៃសមរម្យ ចំណេញបានច្រើន ពិសេសទៀតនោះ គ្រាន់តែមាន APP YOUNGSIA PURCHASE នេះក្នុងទូរសព្ទ បងប្អូនអាចទិញទំនិញបានគ្រប់យ៉ាង មិនថានៅទីណា ឬត្រង់ណានោះទេ ដោយឡែកការដឹកទៀតសោត ចម្ងាយត្រឹម ៧ ទៅ១០ថ្ងៃប៉ុណ្ណោះ ។

នាយកគ្រប់គ្រងក្រុមហ៊ុន YOUNGSIA PURCHASE បានបន្តថា ក្រុមហ៊ុនក៏មានការផ្តល់សេវាកម្មធំៗ ២ចម្បងផងដែរ ទី១ អតិថិជន អាចបញ្ជាទិញជាមួយរោងចក្រនៅប្រទេសដោយផ្ទាល់ ដោយក្រុមហ៊ុនជាអ្នកដឹកជញ្ជូនឲ្យគាត់ផ្ទាល់ ។ ដោយឡែកទី២ គឺគាត់អាចឲ្យក្រុមហ៊ុនបញ្ជាទិញឲ្យគាត់ផង និងដឹកជញ្ជូនឲ្យពួកគាត់ផង ដោយមិនបាច់ចំណាយពេលឲ្យពួកគាត់ចេញទៅយកនោះទេ ទំនិញនឹងមកដល់ផ្ទះរបស់ពួកគាត់តែម្តង ៕