ខេត្តព្រះសីហនុ ៖ យោងតាមផេក នាយកដ្ឋាននគរបាលការពារព្រំដែនទឹក បានឲ្យដឹងថា នាវាចម្បាំងកងទ័ពជើងទឹកប៉ាគីស្ថាន ចំនួន ០១គ្រឿង ឈ្មោះ PNS TAIMUR Warship (F-262) បានចូលចតនៅកំពង់ផែស្វយ័ត ក្រុងព្រះសីហនុ ខេត្តព្រះសីហនុ នៅវេលាម៉ោង១០ព្រឹកថ្ងៃទី២៥ ខែកក្កដា ឆ្នាំ២០២២ ម្សិលមិញនេះ ។

នាវានេះមានបណ្តោយ ១៣៤.១ម៉ែត្រ ទទឹង ១៦ម៉ែត្រ ជម្រៅទឹក ០៧ម៉ែត្រ មានទម្ងន់ផ្ទុក ៤,០៤៦តោន និងមាននាវិកសរុបចំនួន ១៦៩នាក់ ដឹកនាំដោយ លោកវរនាវីឯក MUHAMMAD YARSIR TAHIR មេបញ្ជាការនាវា ក្នុងគោលបំណងដើម្បីធ្វើទស្សនកិច្ចនៅព្រះរាជាណាចក្រកម្ពុជា ចាប់ពីថ្ងៃទី២៥ ដល់ថ្ងៃទី២៨ ខែកក្កដា ឆ្នាំ២០២២ (រយៈពេល ០៤ថ្ងៃ) ៕