អគ្គលេខាធិការ ដ្ឋានអាជ្ញាធរជាតិ ប្រយុទ្ធប្រឆាំងគ្រឿងញៀន សហការជាមួយគណៈកម្មាធិការត្រួតពិនិត្យគ្រឿងញៀន បានប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ " ដោះស្រាយបញ្ហាគ្រឿងញៀនក្នុងវិបត្តិសុខភាពនិងមនុស្សធម៌ " និងដុតបំផ្លាញចោលនូវវត្ថុតាងជាគ្រឿងញៀនជិត៦០គីឡូក្រាម។
ពិធីនេះមានការអញ្ជើញចូលរួមពីឯកឧត្តម នាយឧត្ដមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន និងឯកឧត្តម គួច ចំរើន អភិបាល និងជាប្រធានគណ:កម្មាធិការត្រួតពិនិត្យគ្រឿងញៀនខេត្តព្រះសីហនុ ព្រមទាំង លេខាធិការដ្ឋានគណកម្មាធិការត្រួតពិនិត្យគ្រឿងញៀនខេត្តព្រះសីហនុ ខេត្តកំពង់ស្ពឺ ខេត្ដកំពត និងប្រតិភូស្ថាប័នសាលាដំបូង និងអយ្យការអមសាលាដំបូងខេត្តចំនួន៣ ខេត្តព្រះសីហនុ ខេត្តកំពត និងខេត្តកំពង់ស្ពឺ
តាមការបញ្ជាក់ពី លោកឧត្ដមសេនីយ៍ត្រី ម៉ាត់ ធុចស្នងការរង ទទួលផែនការងារប្រឆាំងបទល្មេីសគ្រឿងញៀន នៃស្នងការដ្ឋាននគរបាលខេត្តកំពង់ស្ពឺ គ្រឿងញៀនដែលដកហូតបានពីគ្រប់ករណីបង្រ្កាប(នគរបាលខេត្ដ ,អាវុធហត្ថខេត្ដ សរុប ៣១គីឡូក្រាម ជាប្រភេទ មេតំហ្វេតាមីនដែលត្រូវយកមកបំផ្លាញនាពេលនេះ៕
