រាជធានីភ្នំពេញ ៖ ចេញផ្សាយ ថ្ងៃទី ២៦ ខែ កក្កដា ឆ្នាំ ២០២២ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួង មហាផ្ទៃបានគូសបញ្ជាក់ថា ក្រសួងមហាផ្ទៃ នឹងបើកប្រតិបត្តិការជាទ្រង់ទ្រាយធំ ដើម្បី ត្រួតពិ និត្យការរស់នៅរបស់ជនបរទេសទាំងអស់នៅកម្ពុជា លើកលែងតែមន្រ្តីការទូតតែប៉ុណ្ណោះ។ ការបញ្ជាក់របស់សម្តេចក្រឡាហោម ស ខេងពីការត្រួតពិនិត្យការរស់ នៅរបស់ជន បរទេសនៅកម្ពុជា បែបនេះ បន្ទាប់ពីអាម៉េរិក បានដាក់ប្រទេសកម្ពុជា ចូលក្នុងបញ្ជីខ្មៅ ជាប្រទេសជាប់ចំណាត់ថ្នាក់លេខ៣ នៃការជួញដូរមនុស្ស។
ថ្លែងក្នុងពិធីបិទវគ្គសុក្រឹតការថ្នាក់ដឹកនាំនគរបាល កម្រិត១ និងកម្រិត២ ជំនាន់ទី១ នៅបណ្ឌិត្យសភានគរបាលកម្ពុជា នាថ្ងៃទី២៦ ខែកក្កដា ឆ្នាំ២០២២ សម្ដេចក្រឡាហោមស ខេង បានសម្តែងការងឿងឆ្ងល់យ៉ាងខ្លាំង ចំពោះក្រសួងការបរទេសអាម៉េរិក ដាក់ប្រទេសកម្ពុជា ចូលជាបញ្ជីខ្មៅ ជាប្រទេសជាប់ចំណាត់ថ្នាក់លេខ៣ ចំពោះការជួញដូរមនុស្ស ខណៈកម្ពុជាបាន ខិតខំយ៉ាងសកម្មក្នុងការសហការទប់ស្កាត់នូវអំពើជួញដូរមនុស្សនេះ។
សម្ដេចក៏បានបញ្ជាក់ថា៖ «ដើម្បីលុបបំបាត់ការសង្ស័យ និងភាពចន្លោះប្រហោងចំ ពោះការជួញដូរមនុស្សនេះ ក្រសួងមហាផ្ទៃត្រូវតែបើកប្រតិបត្តិការទ្រង់ទ្រាយធំត្រួតពិនិត្យ រាល់ការរស់នៅរបស់ជនបរទេសទាំងអស់ មិនថានៅតាមសណ្ឋាគារ ការដ្ឋាន និងតាមក្រុម ហ៊ុននានានោះទេ លើកលែងតែមន្រ្តីការទូត»។
សម្ដេចក្រឡាហោម បញ្ជាក់បន្ថែមថា «យើងនឹងរៀបចំផែនការឱ្យបានហ្មត់ចត់ ដើម្បីត្រួតពិនិត្យការស្នាក់នៅក្នុងព្រះរាជាណាចក្រកម្ពុជា ចំពោះជនបរទេសទាំងអស់លើក លែងតែអ្នកការទូត និងមន្ដ្រីទូត អ្នកមកធ្វើការងារនៅកន្លែងការដ្ឋានផ្សេងៗ ក្រុមហ៊ុន វិនិយោគទាំងអស់ហ្នឹង គឺត្រូវតែត្រួតពិនិត្យ ហើយត្រួតពិនិត្យនេះគ្មានក្នុងបំណងអីទេ គឺក្នុង បំណងឱ្យរកឃើញថាអ្នកដែលមកកម្ពុជាហ្នឹង គឺចូលដោយត្រឹមត្រូវតាមច្បាប់ ឬមិនត្រឹមត្រូវ ធ្វើការនៅកម្ពុជាហ្នឹង មានច្បាប់ការងារអត់ ហើយរកឱ្យឃើញអ្នក ដែលជាមុខ សញ្ញានៃជួញដូរមនុស្ស»។
ជាមួយគ្នានោះដែរសម្តេច ស ខេង ក៏បានសម្តែងការខកចិត្តយ៉ាងខ្លាំងចំពោះការ សម្រេចរបស់ក្រសួងការបរទេសអាមេរិកដាក់កម្ពុជាចូលក្នុងបញ្ជីខ្មៅនេះ ប៉ុន្តែកម្ពុជានៅតែមា នឆន្ទៈមោះមុតក្នុងការសហការប្រយុទ្ធប្រឆាំងនូវអំពើជួញដូរមនុស្សជានិច្ច ហើយនឹងបើក ប្រតិបត្តិការធំ ដើម្បីសម្អាតអំពើជួញដូរមនុស្សនៅកម្ពុជានេះស្របទៅតាមការចង់បានរបស់រា ជរដ្ឋាភិបាលកម្ពុជា៕
