មហាជនពិតជាបានស្គាល់ហើយ ពីកេរ្ត៍ឈ្មោះ របស់លោកជំទាវ ហ៊ុន ស៊ីណាត ខណៈមានមនុស្សជាច្រើន តែងតែតាមបណ្តាញសង្គមរបស់លោកជំទាវ ខណៈលោកជំទាវ តែងចេញមុខបញ្ចេញមតិ ក្នុងរឿងអ្វីដែលមិនល្អ និងខុសឆ្គងក្នុងសង្គមសព្វថ្ងៃ ។

ជាក់ស្តែងនៅរសៀលថ្ងៃទី៥ ខែសីហា ឆ្នាំ២០២២ អ្នកលេងបណ្តាញសង្គម ចាប់អារម្មណ៍ និងភ្ញាក់ផ្អើល ខណៈឃើញលោកជំទាវ កំពុងសម្រាកនៅឯមន្ទីរពេទ្យ ។

ក្នុងនោះយោងតាមការបង្ហោះផ្លូវការរបស់លោក ជំទាវ បានភ្ជាប់ជាមួយខ្លឹមសារថា « មិត្តរួមហ្វេសប៊ុកមាននឹកខ្ញុំទេបាត់មុខយាយចាស់ពេលនេះបានចូលពេទ្យ Bumrungrad នៅប្រទេសថៃបានសម្រេច ហើយតែការវះកាត់តសរសៃពួរស្មា ដែលខ្ញុំដួលកង់កាលពីខែ៦ថ្ងៃទី២១បានជោគជ័យហើយ ខ្ញុំសុខសប្បាយទេនឹករលឹកអ្នកទាំងអស់ជានិច្ច»។

ទន្ទឹមនឹងការផុសនេះ មានមហាជនជាច្រើនបានចូលទៅខមមិនជូនពរលោកជំទាវ សូមឲ្យលោកជំទាវ ឆាប់ជាសះស្បើយ និងឆាប់បានវិលត្រឡប់ មកមាតុប្រទេសរបស់យើងវិញ ៕