កាលពីចុងសប្តាហ៍កន្លងទៅនេះ ក្រុមការងារភេសជ្ជៈប៉ូវកម្លាំងឆេមពាន បានបន្តនាំយករង្វាន់ម៉ូតូស៊េរីទំនើប០២គ្រឿងទៀតទៅប្រគល់ជូនដល់គេហដ្ឋានអ្នកឈ្នះរង្វាន់ នៅខេត្តកំពង់ធំ និង ខេត្តក្រចេះ។

អ្នកមានសំណាងឈ្នះរង្វាន់ម៉ូតូហុងដាScoopy ០២គ្រឿងបន្តបន្ទាប់គ្នាពេលនេះរួមមាន៖

ទី១៖ មានឈ្មោះ ទឹម ឈីន ភេទស្រី អាយុ៤២ឆ្នាំ ជាកសិករ រស់នៅក្នុងភូមិច្រាំងក្រហម ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។ ដោយចូលចិត្តពិសារឆេមពានអាយស៍ជាប្រចាំថ្ងៃ បងស្រី ទឹម ឈីន តែងតែទៅទិញភេសជ្ជៈឆេមពានអាយស៍ ពីតូបលក់ភេសជ្ជៈ របស់បងស្រី ថៃ គីមយេង ដែលជាអ្នកលក់ភេសជ្ជៈក្នុងភូមិច្រាំងក្រហមជាមួយគ្នាមកពិសារ ហើយមានសំណាងឈ្នះរង្វាន់ម៉ូតូដ៏ទំនើបមួយនេះតែម្តង។

ទី២៖ មានឈ្មោះ រស់ ប៉េងលីម ភេទប្រុស អាយុ៤៩ឆ្នាំ មុខរបរជាអ្នកលក់ដូរ នៅក្នុងផ្សារសំបូរ ស្រុកសំបូរ ខេត្តក្រចេះ។ គាត់បានឈ្នះរង្វាន់ម៉ូតូHonda Scoopy ពីតូបលក់ភេសជ្ជៈឆេមពានអាយស៍ របស់លោកពូ ម៉ាត់ វ៉ាន់នី ដែលជាអ្នកលក់ភេសជ្ជៈក្នុងភូមិកោះច្បារ ឃុំកោះខ្ញែរ នៅតាមផ្លូវទៅកាន់ដីចម្ការរបស់អ្នកឈ្នះរង្វាន់ម៉ូតូខាងលើ។ គាត់មានក្តីរំភើបជាខ្លាំងដោយមិននឹកស្មានថាភេសជ្ជៈប៉ុវកម្លាំងឆេមពានអាយស៍១កំប៉ុងផ្តល់សំណាងដល់គាត់បានឈ្នះរង្វាន់ម៉ូតូហុងដាស្កូពី តំលៃប្រមាណជាបីពាន់ដុល្លារឯណោះ។ ជាមួយគ្នានេះដែរអ្នកលក់ភេសជ្ជៈឆេមពានឱ្យអ្នកមានសំណាងឈ្នះរង្វាន់ម៉ូតូទាំងពីរនាក់ខាងលើ ក៏ទទួលបានកាដូលើកទឹកចិត្តជាភេសជ្ជៈឆេមពានអាយស៍ម្នាក់ៗចំនួន ៥០កេសផងដែរ។

តំណាងក្រុមហ៊ុនភេសជ្ជៈប៉ូវកម្លាំងឆេមពាន លោក ស្តើង រចនា និង លោក នៅ កុសល់ ដែលបានទៅប្រគល់រង្វាន់ផ្តាល់ សុទ្ធតែបានអបអរដល់អ្នកឈ្នះរង្វាន់ម៉ូតូទាំងពីរនាក់នៅពេលនេះ ហើយបន្ថែមទៀតថាអតិថិជនដែលចូលចិត្តភេសជ្ជៈប៉ូវកម្លាំងឆេមពានទាំងអស់នឹងបានជួបសំណាងជាបន្តបន្ទាប់ទៀតជាមិនខាន ពិសេសរង្វាន់ម៉ូតូHonda Scoopy រង្វាន់លុយសុទ្ធ ដ្រូន ក៏ដូចជានាឡិកាដៃដ៏ស្រស់ស្អាតដែលមាននៅក្រោមក្រវិលកំប៉ុងភេសជ្ជៈប៉ូវកម្លាំងឆេមពានស្រាប់ ៕