តូក្យូ៖ ព្យុះទីហ្វុង Nanmadol បានបោកបក់មកលើឆ្នេរភាគនិរតីរបស់ប្រទេសជប៉ុន ខណៈដែលអាជ្ញាធរបានជំរុញមនុស្សរាប់លាននាក់ ឱ្យស្វែងរកទីជំរក ពីភ្លៀង និងខ្យល់ព្យុះដ៏មានឥទ្ធិពល។ នេះបើយោងតាមការចេញផ្សាយដោយសារព័ត៌មាន Al Jazeera នៅថ្ងៃទី១៩ ខែកញ្ញា ឆ្នាំ២០២២។

ទីភ្នាក់ងារឧតុនិយមជប៉ុន បាននិយាយនៅក្នុងសេចក្តីថ្លែងការណ៍ មួយនៅលើគេហទំព័ររបស់ខ្លួនថា« ព្យុះទីហ្វុង Nanmadol»បានវាយប្រហារនៅជិតទីក្រុង Kagoshima នៅម៉ោងប្រហែល៧យប់ កាលពីថ្ងៃអាទិត្យ។ ខណៈដែលយ៉ាងហោចណាស់មនុស្ស៤លាននាក់នៅភាគខាងត្បូងប្រទេសជប៉ុន ត្រូវបាន បញ្ជាឱ្យជម្លៀសចេញ ស្របពេលដែលព្យុះទីហ្វុងដ៏ខ្លាំងក្លានេះបានធ្វើដំណើរឆ្ពោះទៅកាន់តំបន់នេះ ដោយនាំមកនូវខ្យល់បក់ខ្លាំង និងភ្លៀងធ្លាក់ខ្លាំង ដែលបណ្តាលឱ្យដាច់ចរន្តអគ្គិសនី និងផ្អាកការដឹកជញ្ជូនតាមផ្លូវអាកាស និងផ្លូវអាកាស។

ទីភ្នាក់ងារឧតុនិយមជប៉ុន បាននិយាយថា ព្យុះទីហ្វុងនេះ បានបោកបក់មកជិតកោះ Yakushima ភាគខាងត្បូង ដោយមានកម្លាំងខ្យល់អតិបរមា 162km/h ខណៈដែលវាបានបោកបក់ ពីភាគខាងជើងទៅកាន់កោះ Kyushu ដែលជាកោះធំជាងគេទីបី និងខាងត្បូងបំផុតរបស់ប្រទេស ដែលវានឹង បោកបក់មកលើដែនដីកោះនេះបន្តបន្ទាប់ ។

ព្យុះទីហ្វុង Nanmadol នេះ ត្រូវ បាន គេ ព្យាករ ថា នឹង ធ្វើដំណើរទៅ ទិស ខាង កើត និង ទៅ ដល់ ទីក្រុង តូក្យូ នៅ ថ្ងៃ អង្គារសប្តាហនេះ។

ទូរទស្សន៍ NHK បាននិយាយថា អាជ្ញាធរក្នុងតំបន់បានបញ្ជាឱ្យប្រជាជនចំនួន៤លាននាក់ដែលរស់នៅលើកោះ Kyushu ជម្លៀសចេញ ដោយ ទីភ្នាក់ងារឧតុនិយមជប៉ុន JMA បានព្យាករណ៍ថា កោះនេះអាចទទួលរង ទឹកភ្លៀង៥០០មីលីម៉ែត្រ (២០ អ៊ីញ) និងខ្យល់បក់រហូតដល់ ២៥០ គីឡូម៉ែត្រក្នុងមួយម៉ោង ។ ទីភ្នាក់ងារនេះក៏បានព្រមានអ្នកស្រុកនៅក្នុងតំបន់ ដែលរងផលប៉ះពាល់ដោយទឹកជំនន់ ការរអិលបាក់ដី ក៏ដូចជាកម្រិត «មិនធ្លាប់មាន»នៃខ្យល់ និងរលកដ៏ខ្លាំងក្លា ហើយបានជំរុញឱ្យពួកគេជម្លៀសចេញឱ្យបានឆាប់៕

ប្រភព៖ Al Jazeera