វ៉ាស៊ីនតោន៖ រដ្ឋាភិបាលក្រុងវ៉ាស៊ីនតោន មិនមានការជំទាស់នឹងទីក្រុងគៀវ ក្នុងការប្រើអាវុធដែលផ្គត់ផ្គង់ដោយលោកខាងលិច ដើម្បីកំណត់គោលដៅលើទឹកដី ដែលសម្រេចចិត្តចូលរួមជាមួយរុស្ស៊ីនោះទេ ខណៈដែលសហរដ្ឋអាមេរិក ចាត់ទុកការបោះឆ្នោតប្រជាមតិថាជាទង្វើខុសច្បាប់។ នេះបើយោងតាមការចេញផ្សាយដោយសារព័ត៌មាន RT នៅថ្ងៃទី២៨ ខែកញ្ញា ឆ្នាំ២០២២។
សហរដ្ឋអាមេរិក និងសម្ព័ន្ធមិត្ត បានផ្គត់ផ្គង់ដល់អ៊ុយក្រែន នូវសព្វាវុធជាច្រើនប្រភេទ រួមមានកាំភ្លើងធំ និងគ្រាប់រ៉ុក្កែត។ នៅក្នុងសន្និសីទសារព័ត៌មានរួមគ្នាជាមួយសមភាគីឥណ្ឌា ក្នុងទីក្រុងវ៉ាស៊ីនតោន លោក Blinken ត្រូវបានសួរថា តើសហរដ្ឋអាមេរិក មានការជំទាស់ណាមួយ ចំពោះអ៊ុយក្រែន ដែលប្រើប្រាស់អាវុធទាំងនោះ ដើម្បីវាយប្រហារគោលដៅនៅ Donetsk, Lugansk, Zaporozhye និង Kherson ដែលទើបតែបញ្ចប់ការបោះឆ្នោតស្តីពីការចូលរួមប្រទេសរុស្ស៊ី។
លោក Blinken បានប្រាប់អ្នកយកព័ត៌មាន ថា «យើងនឹងមិនទទួលស្គាល់ការបញ្ចូលទឹកដីអ៊ុយក្រែនដោយរុស្ស៊ីទេ»។ «អ៊ុយក្រែនមានសិទ្ធិដាច់ខាតក្នុងការការពារខ្លួននៅទូទាំងទឹកដីរបស់ខ្លួន រួមទាំងការដណ្តើមយកមកវិញនូវទឹកដី ដែលត្រូវបានរឹបអូសដោយខុសច្បាប់ មិនថាមធ្យោបាយមួយ ឬមធ្យោបាយផ្សេងទៀតឡើយ ដោយរុស្ស៊ី។ ហើយគ្រឿងបរិក្ខារ សព្វាវុធដែលយើង និងប្រទេសជាច្រើនទៀត កំពុងផ្តល់ ត្រូវបានគេប្រើប្រាស់យ៉ាងមានប្រសិទ្ធភាព ដើម្បីធ្វើដូច្នេះបាន»។
លោក Blinken បានទទូចថា «ការបញ្ចូល»របស់រុស្ស៊ី នៃសាធារណរដ្ឋ Donbass និងតំបន់ទាំងពីរ នឹងធ្វើឱ្យមានភាពខុសគ្នាសូន្យ ចំពោះអ៊ុយក្រែនឬសហរដ្ឋអាមេរិក។«ប្រជាជនអ៊ុយក្រែននឹងបន្តធ្វើអ្វីដែលពួកគេត្រូវធ្វើ ដើម្បីទទួលបានដីដែលត្រូវបានដកហូតពីពួកគេ។ យើងនឹងបន្តគាំទ្រពួកគេក្នុងការខិតខំនោះ»។
គួរបញ្ជាក់ថា កាលពីខែមិថុនាកន្លងទៅ នៅពេលដែលអាមេរិក បានបញ្ជូនប្រព័ន្ធបាញ់កាំភ្លើងធំ HIMARS រយៈចម្ងាយឆ្ងាយជាលើកដំបូងទៅកាន់អ៊ុយក្រែន, លោក Blinken បាននិយាយថា លោកបានទទួល«ការធានា» ពីទីក្រុងគៀវ ថាពួកគេនឹងមិនត្រូវបានប្រើប្រាស់នៅលើទឹកដីរុស្ស៊ី។
ចាប់តាំងពីពេលនោះមក កងកម្លាំងរបស់ទីក្រុងគៀវ បានប្រើប្រាស់សព្វាវុធដែលផ្គត់ផ្គង់ដោយសហរដ្ឋអាមេរិក ដើម្បីតម្រង់គោលដៅទៅលើជនស៊ីវិលនៅ Donbass, Kherson និង Zaporozhye ដែលស្ថិតនៅក្រោមការគ្រប់គ្រងរបស់រុស្ស៊ី។ អ៊ុយក្រែនក៏បានទម្លាក់គ្រាប់បែកនៅគ្រីមៀ និង ទីប្រជុំជនជាប់ព្រំដែន ក្នុងតំបន់ Kursk និង Belgorod របស់រុស្ស៊ី។
បន្ថែមពីនេះ គ្រីមៀ បានចូលរួមជាមួយរុស្ស៊ី ក្នុងខែមីនា ឆ្នាំ២០១៤ បន្ទាប់ពីរដ្ឋប្រហារគាំទ្រដោយអាមេរិក ក្នុងទីក្រុងគៀវ ខណៈដែលតំបន់ Donetsk និង Lugansk បានប្រកាសឯករាជ្យ។
លើសពីនេះទៅទៀត លោក Blinken ក៏បានចោទប្រកាន់រុស្ស៊ីអំពី«គម្រោងអាក្រក់»ក្នុងការនិរទេស ឬ «បំបាត់» ប្រជាជនអ៊ុយក្រែនក្នុងតំបន់ របស់ រុស្ស៊ីដែលនឹងបោះឆ្នោតនៅក្នុងប្រជាមតិ ដែលបានរៀបចំដើម្បីទទួលបានឧបសម្ព័ន្ធដោយទីក្រុងម៉ូស្គូ៕
ប្រភព៖ RT
