រាជធានីភ្នំពេញ ៖ បុរសម្នាក់​បើក​រថយន្ដ​ Mazda មិនប្រយ័ត្ន បើក​រេ​ចង្កូត​បុក​ជាមួយ​របាំង​ថ្ម​ចែក​ទ្រូង​ផ្លូវ ​បណ្ដាល​ឲ្យ​រងការ​ខូចខាត ចំនួន​៣កង់ រងការខូចខាតយ៉ាងដំណំ ។

ហេតុការណ៍​នេះបានកើតឡើង នៅ​តាម​បណ្ដោយ​ផ្លូវ​ជាតិ​លេខ​៥ ក្នុងសង្កាត់​ឫស្សីកែវ​ ខណ្ឌ​ឫស្សីកែវ​ រាជធានីភ្នំពេញ វេលា​ម៉ោង​១យប់​ ថ្ងៃ​ទី​១៨ ខែវិច្ឆិកា​ ឆ្នាំ​២០២៣។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ ​បើក​រថយន្ដ​ Mazda ដែលពាក់​ស្លាក​លេខ​ ភ្នំពេញ​ 2BW-5366 បើកតាមបណ្ដោយផ្លូវជាតិលេខ៥ ក្នុងទិសដៅពីជើងទៅត្បូង មកដល់កន្លែងកើតហេតុ ក៏បើក​រេចង្កូត​បុក​ជាមួយ​របាំង​ថ្ម​ចែក​ទ្រូង​ផ្លូវ​ បណ្ដាល​ឲ្យ​រងការ​ខូចខាត​យ៉ាងដំណំ។

ក្រោយ​កើត​ហេតុ​ សមត្ថកិច្ច​ជំនាញ​ចរាចរណ៍​ផ្លូវ​គោក​នៃ​ស្នងការដ្ឋាន​នគរបាល​រាជធានី​ភ្នំពេញ​ ចុះ​មក​ធ្វើ​ការ​វាស់​វែង​យក​រថយន្ដ​ ទៅ​រក្សា​ទុក​រង់ចាំ​ការ​ដោះស្រាយ​នៅ​ពេល​ក្រោយ​តាមច្បាប់ ៕ Mrr Ka