រាជធានីភ្នំពេញ ៖ បុរសម្នាក់ដែលបើករថយន្ត camry មួយគ្រឿង បុកម៉ូតូ ផ្លោងដូចសំឡីអូ. សម៉ូតូជាង ៣គីឡូដី នៅក្រោមស្ពានជ្រោយចង្វារ ។

ហេតុការណ៍នេះបានកើតឡើងនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ វេលាម៉ោង១១យប់ ត្រូវនឹងថ្ងៃទី២៨ ខែមីនា ឆ្នាំ ២០២៤។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ មានវ័យជាង៣០ឆ្នាំ បើករថយន្តប្រភេទកាមរីបាឡែន មួយគ្រឿង ដែលពាក់ស្លាកលេខ ភ្នំពេញ 2AE 6165 ធ្វើដំណើរតាមបណ្ដោយផ្លូវមាត់ទន្លេ ក្នុងទិសដៅពីត្បូងតែជើង មកដល់ចំណុចកើតហេតុ មុខនឹងសាលាបឋមជ្រោយចង្វារ ក៏បើករេចង្កូតទៅបុកម៉ូតូមួយគ្រឿង ជិះគ្នា២នាក់ ស្រីម្នាក់ ប្រុសម្នាក់ ខ្ទាតផ្លោងដូចសំឡី ពេលនោះបងប្អូនប្រជាពលរដ្ឋ ក៏ស្រែកឲ្យរថយន្តឈប់ តែរថយន្តមិនព្រមឈប់ ក៏បើកបុកម៉ូតូនោះអូសជាង៣គីឡូដី មកដល់ក្រោមស្ពានជ្រោយចង្វារ ទើបត្រូវបានបងប្អូនប្រជាពលរដ្ឋ ឃាត់បាន យកដុំថ្មីបំបែកកញ្ចក់រថយន្ត រួចចាប់ឃាត់ខ្លួនប្រគល់ឲ្យសមត្ថកិច្ចប៉ុស្តិ៍នគរបាលសង្កាត់ជ្រោយចង្វារ ។ ទោះបីជាយ៉ាងណាក៏ដោយ សុំកុំប្រើអំពើហិង្សា ចៀសវាងអាចធ្វើឲ្យខ្លួនឯង ក្លាយជាអ្នកមានបញ្ហាពាក់ព័ន្ធនឹងផ្លូវច្បាប់ក៏ថាបាន គួរតែទុកតួនាទីនេះ ឲ្យសមត្ថកិច្ចទើបជាការល្អ​។

ក្រោយកើតហេតុ សមត្ថកិច្ចមូលដ្ឋាន បានមកដល់ក៏បានទំនាក់ទំនងទៅខាងជំនាញចរាចរណ៍ផ្លូវគោក នៃស្នងការនគរបាលរាជធានីភ្នំពេញ ធ្វើការវាស់វែងយករថយន្តនិងម៉ូតូទៅរក្សាទុកនៅឯស្នងការដ្ឋាននគរបាលរាជធានីភ្នំពេញ និងឃាត់ខ្លួនអ្នកបើកបររថយន្ត ដើម្បីចាត់ការតាមច្បាប់ ៕ Mrr Ka