រាជធានីភ្នំពេញ ៖ បុរសម្នាក់បើកម៉ូតូទៅផ្ទះវិញត្រូវបានរថយន្ដ Ford បុកពេញមួយទំហឹងបណ្ដាលអោយ. ស្លា....ប់. ភ្លាមៗ ហើយម្ចាស់បើករថយន្ដរតគេចខ្លួនបាត់ ហេតុការណ៍នេះកើតឡើងនៅតាមបណ្ដោយផ្លូវវេងស្រេង ក្នុងសង្កាត់ចោមចៅទី១ ខណ្ឌពោធិ៍សែនជ័យ នាវេលាម៉ោង១២រំលងអាធ្រាត ឈានចូលថ្ងៃទី២២ ខែឧសភា ឆ្នាំ២០២៤ ។

យោងតាមប្រភពព័ត៌មានពីបងប្អូនប្រជាពលរដ្ឋនិងពីសមត្ថកិច្ចមូលដ្ឋានបានឲ្យដឹងថាមុនពេលកើតហេតុគេបានឃើញរថយន្ដ Ford មិនចាំស្លាក់លេខបើកក្នុងល្បឿនលឿនតាមបណ្ដោយផ្លូវវេងស្រេងក៏បើកទៅបុកម៉ូតូពេញមួយទំហឹងបណ្ដាលអោយនាក់បើកម៉ូតូស្លាប់ភ្លាមៗ នៅកន្លែងកើតហេតុ ចំណែករថយន្ដបានបើករត់គេចខ្លួនបាត់ពីកន្លែងកើតហេតុតែម្តង ។

ក្រោយពេលកើតហេតុសមត្ថកិច្ចជំនាញចរាចរ ក៏បានមកដល់កន្លែងកើតហេតុធ្វើការវាស់វែងយកម៉ូតូទៅរក្សាទុកនៅចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីស្រាវជ្រាវរករថយន្តបង្កយកមកផ្តន្ទាទោសតាមផ្លូវច្បាប់ ៕