រាជធានីភ្នំពេញ៖ មានករណីគ្រោះថ្នាក់ចរាចរណ៍មួយបានកើតឡើងដោយរថយន្ដដឹងត្រីក្រឡាប់ផ្ងារជើងនៅលើស្ពានជម្ពូវ័ន បណ្ដាលឲ្យខូចខាតរថយន្ដនិងកម្ពប់ត្រីពេញលើស្ពាន ហេតុការណ៍នេះកើតឡើងនៅលើស្ពានអាកាសជម្ពូវ័ន សង្កាត់ ចោមចៅ ទី៣ ខណ្ឌ ពោធិ៍ សែនជ័យ នាវេលា ម៉ោង ៨យប់ ថ្ងៃ ទី ០១ ខែមិថុនា ឆ្នាំ ២០២៤

យោងតាមប្រភពព័ត៌មានពីបងប្អូនប្រជាពលរដ្ឋបានអីដឹងថាមុនពេលកើតហើយគេបានឃើញបុរសម្នាក់បេីករថយន្ត ដឹកត្រីធុនធំ ពាក់ស្លាកលេខភ្នំពេញ 3B-2812 បើកឡើងស្ពានអាកាសក៏បែកកង់រ៉េចង្កូតក្រឡាប់ចាក់ត្រីពេញលេីស្ពានអាកាស ជម្ពូវ័ន ភ្លាមនោះសមត្ថកិច្ចក៏បានមកដល់

ក្រោយកេីតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តទៅរក្សាទុកដេីម្បីរងចាំដោះស្រាយនៅពេលក្រោយ៕