រាជធានីភ្នំពេញ៖ ជនសង្ស័យវ័យចំណាស់០២នាក់ ជិះម៉ូតូឌុបគ្នាដើរបន្លំលួចកាបូបលុយអ្នកលក់ដូរបន្លែ និងសាច់នៅរម៉កម៉ូតូ ត្រូវបានប្រជាពលរដ្ឋដេញស្ទាក់ចាប់ខ្លួនបានទាំង០២នាក់។
ហេតុការណ៍នេះបានកើតឡើងកាលពីវេលាម៉ោង ៧និង ៥១នាទី ព្រឹកថ្ងៃទី១៧ ខែកក្កដា ឆ្នាំ២០២៤នេះ នៅតាមបណ្តោយផ្លូវជាតិលេខ១ ស្ថិតនៅក្នុងភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញ ជនសង្ស័យវ័យចំណាស់០២នាក់ ខាងលើ បានជិះម៉ូតូឌុបគ្នាដើរបន្លំលួចកាបូបលុយអ្នកលក់ដូរបន្លែ និងសាច់នៅរម៉កម៉ូតូ តែស៊យអស់លក្ខណ៍ត្រូវបានប្រជាពលរដ្ឋដេញស្ទាក់ចាប់ខ្លួនបានទាំង០២នាក់ គាប់ជួនសមត្ថកិច្ចមកដល់ ក៏ឃាត់ខ្លួនទាំង២នាក់ យកទៅសាកសួរតែម្តង។
បច្ចុប្បន្នជនសង្ស័យទាំង២នាក់ ត្រូវសមត្ថកិច្ចប៉ុស្តិ៍វាលស្បូវ សាកសួរ និងកសាងសំណុំរឿងបញ្ជូនខ្លួនទៅកាន់ អធិការដ្ឋាននគរបាលខណ្ឌច្បារអំពៅ ចាត់ការតាមច្បាប់ ៕ អែល វិចិត្រ
