នៅថ្ងៃទី១៧ ខែកក្កដា ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងអធិការដ្ឋាននគរបាលខណ្ឌទាំង១៤ ធ្វើការស្រាវជ្រាវឃាត់ខ្លួនជនសង្ស័យជាបន្តបន្ទាប់ ចំនួន០៣នាក់ ពាក់ព័ន្ធករណី វា..;យ ប្ល ..;ន់ យកម៉ូតូ ប្រព្រឹត្តល្មើសកាលពីថ្ងៃទី ១៣ ខែកក្កដា ឆ្នាំ២០២៤ នៅចំណុចមុខផ្ទះលេខ១៨បេ ផ្លូវ៥៩០ សង្កាត់បឹងកក់២ ខណ្ឌទួលគោក។

ឃាត់ខ្លួនជនសង្ស័យចំនួន០៣នាក់៖

១-ឈ្មោះ ទួន ឌីដាវីឌ ភេទប្រុស ជនជាតិខ្មែរ មិនពិតប្រាកដ ទីលំនៅ ភូមិគោកឃ្លាង សង្កាត់គោកឃ្លាង ខណ្ឌសែនសុខ (ជនដៃដល់)។

២-ឈ្មោះ អ៊ុន ធុនណា ភេទប្រុស ជនជាតិខ្មែរ មិនពិតប្រាកដ ទីលំនៅ បន្ទប់ជួលគ្មានលេខ ផ្លូវរភ្លើង សង្កាត់បឹងកក់២ ខណ្ឌទួលគោក (សហចារី)។

៣-ឈ្មោះ ជីង សុវណ្ណ ហៅ រ៉ា ភេទប្រុស ជនជាតិខ្មែរ មុខរបរ មិនពិតប្រាកដ ស្នាក់នៅ ផ្ទះផ្លូវរភ្លើង សង្កាត់បឹងកក់២ ខណ្ឌទួលគោក (សមគំនិតទទួលផល )។

សម្ភារបាត់បង់៖ ម៉ូតូម៉ាក ស្កុបពី ស៊េរីឆ្នាំ២០១៩ ពណ៌ទឹកប្រាក់ ពាក់ផ្លាកលេខ ភ្នំពេញ 1HP-5779។ វត្ថុតាងចាប់យក៖ ម៉ូតូម៉ាក ស្កុបពី ស៊េរីឆ្នាំ២០១៩ ពណ៌ទឹកប្រាក់ ពាក់ផ្លាកលេខ ភ្នំពេញ 1HP-5779 (ជាផលនៃអំពើប្លន់), ម៉ូតូម៉ាក វីសសិន ពណ៌ក្រហម ពាក់ផ្លាកលេខ ភ្នំពេញ 1BZ-5116 (មធ្យោបាយជិះធ្វើសកម្មភាព)។

បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕