បុគ្គលិកធនាគារម្នាក់ជិះម៉ូតូ ជិតដល់ផ្ទះហើយក៏ទៅបុកម៉ូតូ សណ្ដោង រម៉ក ពីក្រោយ បណ្ដាលឲ្យស្លាប់ភ្លាមៗ និងរងរបួសធ្ងន់៣នាក់ ។ករណីនេះកើតនៅតាមបណ្ដោយផ្លូវ ជាតិ លេខ ៦A សង្កាត់ បាក់ខែង ខណ្ឌ ជ្រោយ ចង្វារ នាវេលា ម៉ោង ៩យប់ ថ្ងៃ ទី ៣០ ខែកក្កដា ឆ្នាំ ២០២៤។

យោងទៅតាមប្រភពព័ត៌មានពីបងប្អូនប្រជាពលរដ្ឋនិងពីសមត្ថកិច្ចជំនាញបានឲ្យដឹងថាមុនពេលកើតហើយគេបានឃើញបុរសម្នាក់ជិះម៉ូតូ Dream c125 ពាក់ស្លាកលេខកណ្ដាល 1AB-9323 ធ្វើដំណើរតាមបណ្ដោយផ្លូវជាតិលេខ៦Aក្នុងទិសដៅពីជើងទៅត្បូងមកជិតផ្លូវបទចូលផ្ទះក៏បានបុកម៉ូតូ សណ្ដោង រម៉ក ពីក្រោយ បណ្ដាលឲ្យស្លាប់ភ្លាមៗ និងភាគីខាងរម៉ករបួសធ្ងន់៣នាក់

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃអធិការដ្ឋាន នគរបាល ខណ្ឌជ្រោយចង្វារ ធ្វេីការវាស់វែងយកម៉ូតូនិងម៉ូតូសណ្ដោងរម៉កទៅរក្សាទុក នឹងប្រគល់សពអោយគ្រួសារយកទៅធ្វើបុណ្យទៅតាមប្រពៃណី៕