ឯកឧត្តម សុខ ប្រសិទ្ធិ រដ្ឋលេខាធិការ តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នាព្រឹកថ្ងៃទី០២ ខែសីហា ឆ្នាំ២០២៤ ដឹកនាំគណៈប្រតិភូក្រសួង អញ្ជើញដាក់កម្រងផ្កាគោរពវិញ្ញាណក្ខន្ធ អាកាសយានិកពីររូប គឺលោកឧត្តមសេនីយ៍ត្រី ស៊ុន ផល្លា និងលោកវរសេនីយ៍ទោ ខេង ឆៃយុទ្ធ ដែលបានពលីក្នុងឧបទ្ទវហេតុធ្លាក់ឧទ្ធម្ភាគចក្រ ពេលបំពេញបេសកកម្មហ្វឹកហ្វឺន កាលពីពេលកន្លងទៅនៅភ្នំយ៉ាវយ៉ៃ ខេត្តពោធិ៍សាត់ ខណៈពិធីគោរពវិញ្ញាណក្ខន្ធនេះប្រព្រឹត្តិទៅនៅបញ្ជាការដ្ឋានទ័ពអាកាស រាជធានីភ្នំពេញ។