ខេត្តកណ្តាល ៖ ជនសង្ស័យ២នាក់ ត្រូវបានសមត្ថកិច្ចស្រុកកៀនស្វាយ ធ្វើការឃាត់ខ្លួន ក្រោយធ្វើសកម្មភាពលួចកាច់.កម៉ូតូរបស់ប្រជាពលរដ្ឋ បានសម្រេច ។
ហេតុការណ៍នេះបានកើតឡើងកាលពីវេលាម៉ោង ៥និង២០នាទីល្ងាច ថ្ងៃទី០២ ខែសីហា ឆ្នាំ២០២៤ ក្នុងភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល។
ជនរងគ្រោះឈ្មោះធឹម សំអាត ភេទប្រុស អាយុ៤៣ ឆ្នាំ មុខរបរកសិករ មានទីលំនៅភូមកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្កណ្តាល ។
ចំណែកជនសង្ស័យទាំង០២នាក់រួមមាន ៖
១/ ឈ្មោះអឿន សុភ័ស ភេទប្រុស អាយុ៣៣ឆ្នាំ មុខរបរមិនពិត មានទីលំនៅភូមិចំពុះក្អែកសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ
(ឃាត់ខ្លួន) ធ្លាប់ប្រើប្រាស់គ្រឿងញៀនរយៈពេល០២ឆ្នាំមកហើយ លទ្ធផលតេស្តគ្រឿងញៀន(+)វិជ្ជមាន។
២/ ឈ្មោះ ហេង បញ្ញា ហៅសឺ ភេទប្រុស អាយុ៣៥ឆ្នាំ មុខរមិនពិត មានទីលំនៅភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ (ឃាត់ខ្លួន) ធ្លាប់ប្រើប្រាស់គ្រឿងញៀនរយៈពេល០៣ឆ្នាំមកហើយ លទ្ធផលតេស្តគ្រឿងញៀន(+)វិជ្ជមាន។
ក្នុងនោះ សម្ភារៈបាត់បង់ ម៉ូតូ០១គ្រឿងម៉ាកស៊ុយសូគីVIVA ពណ៌ខ្មៅ មិនចាំឆ្នាំផលិត គ្មានផ្លាកលេខ (ជារបស់ជនរងគ្រោះ)
ចំណែក វត្ថុតាងចាប់យក , ម៉ូតូ០១គ្រឿងម៉ាកViVa ពណ៌ខ្មៅ ពាក់ផ្លាកលេខ1X-9604 , ទួលឡឺវីសផ្លែដែកដងជ័រ ចំនួន០១, សោមាត់លេខ១៩ ចំនួន០១,ដែកកែច្នៃសំរាប់កាច់ករម៉ូតូ ចំនួន០១(លេខរៀងទី១-៤ ជារបស់ជនសង្ស័យ), ម៉ូតូ០១គ្រឿងម៉ាកស៊ុយសូគីVIVA ពណ៌ខ្មៅ មិនចាំឆ្នាំផលិត គ្មានផ្លាកលេខ (ជារបស់ជនរងគ្រោះ)។
សមត្ថកិច្ចបានឲ្យដឹងថា មុនពេលកើតហេតុ ជនរងគ្រោះបានជិះម៉ូតូមួយគ្រឿងម៉ាកVIVA ពណ៌ខ្មៅ គ្មានផ្លាកលេខ ជិះចេញពីផ្ទះមកបាចជីដាក់ស្រូវនៅភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល ហើយក៏បានទុកម៉ូតូនៅក្បែរប្រឡាយជិតវាលស្រែដោយពុំបានដកសោចេញទេ ពេលកំពង់បាចជី ស្រាប់តែឈ្មោះជី រតនៈ ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល អ្នកធ្វើស្រូវជិតគ្នា បានស្រែកថា បងមានចោរលួចម៉ូតូបងហើយ លឺដូច្នេះជនរងគ្រោះក៏បានទូរស័ព្ទប្រាប់នគរបាលប៉ុស្តិ៍ឈើទាល ពេលទទួលបានពត៌មានភ្លាម កម្លាំងប៉ុស្តិ៍ឈើទាល សហការជាមួយកម្លាំងជំនាញនគរបាលយុត្តិធម៌ស្រុកកៀនស្វាយ ធ្វើការពួនស្ទាក់និងចុះដល់កន្លែងកើតហេតុក៏បានធ្វើការឃាត់ខ្លួនជនសង្ស័យបានម្នាក់យកមកសាកសួរនៅប៉ុស្តិ៍ឈើទាល។
នៅចំពោះមុខសមត្ថកិច្ចជនសង្ស័យបានសារភាពថា ខ្លួននិងឈ្មោះ ហេង បញ្ញា ហៅសឺ ភេទប្រុស បាននាំគ្នាប្រើប្រាស់ថ្នាំញៀនអស់០១កញ្ចប់តូចតម្លៃ២០០០០៛ ពេលប្រើប្រាស់រួច ខ្លួនបានយកទួលឡឺវីសផ្លែដែកដងជ័រ ចំនួន០១, សោមាត់លេខ១៩ ចំនួន០១, ដែកកែច្នៃសំរាប់កាច់ករម៉ូតូ ចំនួន០១ ដាក់ក្នុងហោប៉ៅខោរបស់ខ្លួន រួចក៏នាំគ្នាជិះម៉ូតូចេញពីផ្ទះដោយខ្លួនជាអ្នកឌុបឈ្មោះ ហេង បញ្ញា ហៅសឺ ភេទប្រុស បន្ទាប់មកខ្លួនក៏បានជិះម៉ូតូតាមផ្លូវលេខ១១០ រួចចូលតាមភូមិស្រែអំពិល ឃុំឈើទាល មកដល់ចំនុចកើតហេតុក៏ឃើញម៉ូតូ០១គ្រឿងម៉ាកស៊ុយសូគីVIVA ពណ៌ខ្មៅ មិនចាំឆ្នាំផលិត គ្មានផ្លាកលេខទុកនៅក្បែរវាលស្រែ ឃើញដូចនេះខ្លួនបានឈប់ម៉ូតូ រួចឈ្មោះ ហេង បញ្ញា ហៅសឺ ភេទប្រុស បានចុះពីលើម៉ូតូដើរទៅលួចយកម៉ូតូជនរងគ្រោះជិះចេញទៅមុន ចំនែកខ្លួនជិះម៉ូតូតាមពីក្រោយបានប្រហែល៥០០ម៉ែត្រ ស្រាប់តែមានប្រជាពលរដ្ឋស្ទាក់ចាប់ប្រគល់ឲ្យនគរបាល ។
លុះដល់ម៉ោង២១:៥០នាទី ថ្ងៃទី០២/០៨/២០២៤ កម្លាំងបានធ្វើការស្រាវជ្រាវបន្តទៀតរកឃើញមុខសញ្ញាម្នាក់ទៀត នៅសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ដោយមានការសហការជាមួយកម្លាំងប៉ុស្តិ៍ព្រែកប្រា ជំនាញបានធ្វើការឃាត់ខ្លួនជនសង្ស័យឈ្មោះ ហេង បញ្ញា ហៅសឺ ភេទប្រុស យកមកសាកសួរ នៅចំពោះមុខសមត្ថកិច្ចជនសង្ស័យបានសារភាពថា÷ ខ្លួននិងឈ្មោះអឿន សុភ័ស ភេទប្រុស បាននាំគ្នាប្រើប្រាស់ថ្នាំញៀនអស់០១កញ្ចប់តូចតម្លៃ២០០០០៛ ពេលប្រើប្រាស់រួច ខ្លួនក៏បបួលឈ្មោះអឿន សុភ័ស ភេទប្រុស ជិះម៉ូតូដើររកការងារធ្វើ តែរកមិនបាន រួចខ្លួនក៏នាំគ្នាជិះម៉ូតូតាមផ្លូវលេខ១១០ រួចចូលតាមភូមិស្រែអំពិល ឃុំឈើទាល មកដល់ចំណុចកើតហេតុក៏ឃើញម៉ូតូ០១គ្រឿងម៉ាកស៊ុយសូគីVIVA ពណ៌ខ្មៅ មិនចាំឆ្នាំផលិត គ្មានផ្លាកលេខទុកនៅក្បែវាលស្រែ ឃើញដូចនេះខ្លួនបានឲ្យឈ្មោះអឿន សុភ័ស ភេទប្រុស ឈប់ម៉ូតូ រួចខ្លួនចុះដើរចូលទៅលួចយកម៉ូតូជនរងគ្រោះជិះចេញទៅមុន រហូតទៅដល់ផ្ទះ ពេលដល់ផ្ទះខ្លួនបានយកម៉ូតូទៅលាក់ទុកក្នុងគុម្ពត្រែងនៅក្រោយរោងចក្រទឹកត្រីព្រែកប្រា រួចក៏ដើរត្រឡប់មកផ្ទះវិញ ។
ចំណែកមូលហេតុ ជនសង្ស័យទាំង០២នាក់លួចយកម៉ូតូ ព្រោះពួកខ្លួនគ្មានការងារធ្វើ នឹងជំពាក់លុយផ្ទះជួលរយះពេល០៤ខែផង ទើបសម្រេចចិត្តនាំគ្នាលួចម៉ូតូលក់យកលុយឲ្យថ្លៃផ្ទះជួលផង និងទិញថ្មាំញៀនប្រើប្រាស់ផង ។
ក្រោយពីសាកសួររួចកម្លាំងផ្នែកជំនាញបានសុំគោលការណ៍ឃាត់ខ្លួនជនសង្ស័យទាំង០២នាក់ រួមនឹងវត្ថុតាងនៅអធិការដ្ឋាននគរបាលស្រុកកៀនស្វាយ ដើម្បីកសាងសំណុំរឿងចាត់ការតាមនីតិវិធីច្បាប់ ៕ អែល វិចិត្រ
