ប៉ូលិសបានឲ្យដឹងថាកាលពីម្សិលមុិញគឺនៅថ្ងៃទី០៩ ខែសីហា ឆ្នាំ២០២៤ កម្លាំងប៉ុស្តិ៍ នៃអធិការដ្ឋាននគរបាលខណ្ឌដូនពេញ បានចេញល្បាតពួនស្នាក់តាមមូលដ្ឋាន ដើម្បីការពារសន្តិសុខសណ្តាប់ធ្នាប់ជូនប្រជាពលរដ្ឋ បានប្រទះឃើញជនសង្ស័យចំនួន០២នាក់កំពុងធ្វើសកម្មភាពជិះម៉តូឆក់ទូរស័ព្ទជនរងគ្រោះ។

ប៉ូលិសបន្តថា ភ្លាមៗនោះសមត្ថកិច្ចប៉ុស្តិ៍ក៏បានចេញប្រដេញបង្ក្រាបបានជនសង្ស័យចំនួន០១នាក់ ដែលជិៈនៅខាងក្រោយ រួមនិងមធ្យោបាយធ្វើសកម្មភាពម៉ូតូម៉ាកស្កូពី ដោយឡែកជនសង្ស័យម្នាក់ទៀតជាអ្នកបើកម៉ូតូបានលោតចុះនិងរត់គេចខ្លួនបាត់មិនដឹងទៅទីណា។

ចំពោះមុខ កម្លាំងជំនាញខណ្ឌ ប៉ុស្តិ៍ បាននិងកំពុងជំរុញលើការស្រាវជ្រាវ កំណត់អត្តសញ្ញាណមុខសញ្ញាជាបក្ខពួកដែលនៅសេសសល់ ដើម្បីធ្វើការបង្រ្កាបនៅក្នុងវិធានការជំនាញ៕