អធិការប៉ូលិសខណ្ឌដង្កោបានបាបញ្ជាក់ថានៅថ្ងៃទី២២ ខែកញ្ញា ឆ្នាំ២០២៤ វេលាម៉ោង២០និង៣០នាទីយប់ ត្រង់ចំណុចក្រោមស្ពានអាកាស(ក្រវ៉ាត់ក្រុងទី៣) ផ្លូវជាតិលេខ៣ ស្ថិតនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ប៉ូលុសបានឃាត់ខ្លួនជនសង្ស័យម្នាក់ករណីលួចមានស្ថានទម្ងន់ទោស ដោយការប្រើអំពើហិង្សា (ចាប់ក្រៀកកហែកហោប៉ៅខោជនរងគ្រោះប្លន់យកកាបូបលុយ)។
លោកអធិការបន្តថាជនសង្ស័យម្នាក់ឈ្មោះ ជន បញ្ញា ភេទប្រុស អាយុ៣០ឆ្នាំ ជនជាតិខ្មែរ មុខរបរជាងកាត់ដេរ មានទីលំនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
ចំណែកជនរងគ្រោះឈ្មោះ លឹម ថេង ភេទប្រុស អាយុ៥០ឆ្នាំ ជនជាតិខ្មែរ មុខរបរនគរបាលជាតិ មានទីលំនៅភូមិសំបួរមាស សង្កាត់ដង្កោ ខណ្ឌដង្កោ រាជធានីភ្នំពេញ។
សមត្ថកិច្ចបានធ្វើបង្ក្រាបជាក់ស្តែងឃាត់ខ្លួនជនសង្ស័យខាងលើត្រង់ចំណុចក្នុងស្រែ ផ្លូវប្រឡាយ ស្ថិតនៅភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ រួមនិងវត្ថុតាង កាបូបលុយរបស់ជនរងគ្រោះ យកមកធ្វើការសាកសួរនៅប៉ុស្តិ៍នគរបាលរដ្ឋបាល ក្រាំងពង្រ តាមនីតិវិធីច្បាប់ ៕
