កំពង់ចាម ៖ ឃ្លាំងដាក់សម្ភារៈមួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ ខ្ទេចស្ទើរទាំងស្រុង កាលពីវេលាម៉ោង៧ និង៣០នាទី ថ្ងៃទី១២ ខែមីនា ឆ្នាំ២០២១ ចំណុចក្រុមហ៊ុន អានម៉ាឌី ចម្ការកៅស៊ូចម្ការអណ្តូង ក្នុងភូមិលេខ២ ឃុំចម្ការអណ្តូង ស្រុកចម្ការលើ ខេត្តកំពង់ចាម។
បើតាមរបាយការណ៍បញ្ជាក់ពីសមត្ថកិច្ច ក្រោយកើតហេតុកម្លាំងជំនាញអធិការដ្ឋាននគរបាលស្រុក និងកម្លាំងប៉ុស្តិ៍រដ្ឋបាល ប្រជាការពារ ចេញរថយន្ដពន្លត់អគ្គិភ័យចំនួន ១គ្រឿង របស់អធិការដ្ឋាននគរបាលស្រុកចម្ការលើ ចុះទៅបាញ់ពន្លត់ ភ្លើងដែលកំពុងឆេះឃ្លាំងទំហំ ៨x១២ សង់ពីស៊ីម៉ង់ត៍ ប្រក់ប្រូស៊ីម៉ង់ត៍ ជញ្ជាំងឥដ្ឋ បណ្តាលឲ្យឆេះអង្ករ ០៨ បេ , អំបិលអាស៊ីត ៤០ បេ, ចានត្រង់ជរ័ ១៥០០, លួសចងដើមកៅស៊ូ ១៥០០, ប្រេងកៅស៊ូ ០២ កាន, ទុយោដំណក់ទឹក ១,៥០០ និងបណ្តាលមកពីឆ្លងចរន្តអគ្គិសនី ប្រើប្រាស់ឡានទឹក ចំនួន ១គ្រឿង បាញ់អស់ទឹកអស់ ចំនួន ២រថយន្តទើបរលត់ទៅវិញទាំងស្រុង ៕
