ខេត្តកំពង់ស្ពឺ៖ កម្លាំងព្រហ្មទណ្ឌស្រុកសំរោងទង សហការជាមួយប៉ុស្តិ៍នគរបាលរដ្ឋបាល រលាំងគ្រើល និងនាយកសាលា បានហៅក្មេងមួយក្រុមជាសិស្សរៀននៅវិទ្យាល័យ ហ៊ុន សែន អង្គមេត្រី បានចុះធ្វើការប្រមូលយកមកអប់រំ សិស្សខិលខូចគេចម៉ោងសិក្សាញយដងចំនួន១២នាក់ ដែលផ្តុំគ្នាក្នុងតារាងបាល់មួយកន្លែងមិនចូលរៀន ។
ការចុះធ្វើការអប់រំនេះ បានធ្វើឡើងកាលពីវេលាម៉ោង៨និង៣៥នាទីព្រឹកថ្ងៃទី០៥ ខែមិថុនា ឆ្នាំ២០២៥ ក្នុងតារាងបាល់ទះក្នុងភូមិក្រាំងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ។
សមត្ថកិច្ចបានឲ្យដឹងថា ក្នុងចំណោមយុវជនទាំង ១២នាក់នេះ មាន២នាក់ឈប់រៀន ១០នាក់ទៀតជាសិស្សថ្នាក់ទី១០ ដោយម្នាក់ៗសុទ្ធតែអនុវត្តមានក្នុងម៉ោងរៀន ខ្លះ២៥ដង, ២៦ដង,៣០ដង ,២៨ដង ,៣៥ដង ក៏មាន ក្នុងនោះសមត្ថកិច្ចក៏បានដកហូតម៉ូតូបានចំនួន ៩គ្រឿង និងទូរស័ព្ទចំនួន ១១គ្រឿង ផងដែរ រួចអញ្ជើញអាណាព្យាបាលទាំងអស់មកជួបធ្វើការអប់រំ ដើម្បីយកកូនទៅណែនាំបន្ត ៕ នុច
.jpg?1749193757)
.jpg?1749193757)
.jpg?1749193758)
.jpg?1749193758)
.jpg?1749193759)
.jpg?1749193759)
