ខេត្តបន្ទាយមានជ័យ៖ មេជាងជួសជុលនិងកែច្នៃ រថយន្តបាញ់ម៉ូទ័រដោះខ្ចៅរថយន្ត បណ្តាលឲ្យឆក់ស្លាប់យ៉ាងអាណោចអាធ័ម កាលពីវេលាម៉ោង៤ល្ងាច កាលពីថ្ងៃទី៣០ ខែឧសភា ឆ្នាំ២០២១ នៅភូមិហ្លួង ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
លោកវរៈសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរីបានប្រាប់ថា៖ ជនរងគ្រោះដែលត្រូវឆក់ខ្សែរភ្លើងស្លាប់ឈ្មោះ រួត រួយ ភេទប្រុស អាយុ២០ឆ្នាំ ជាមេជាងជួសជុល និងកែច្នៃរថយន្តរស់នៅភូមិកើតហេតុខាងលើ។
លោកបានបញ្ជាក់ថា៖ តាមសាច់ញាតិជនរងគ្រោះបានអោយដឹង គឺមូលហេតុគ្រោះថ្នាក់កើតឡើង ជនរងគ្រោះបានកំពុងជួសជុលនិងកែច្នៃ រថយន្តដោយយកម៉ូទ័រដោះខ្ចៅរថយន្តហើយបណ្តាលឲ្យឆ្លងចរន្តអគ្គីសនី បណ្តាលឆក់ហើយសាច់ញាតិបញ្ជូនទៅមន្ទីពេទ្យបណ្តាលឲ្យស្លាប់ហើយដឹកត្រឡប់ផ្ទះវិញ។
លោកវរៈសេនីយ៍ឯក ស៊ិន ណារ៉ាក់ បានបញ្ជាក់ថា៖ ក្រោយទទួលព័ត៌មានហើយ កម្លាំងជំនាញបានចុះទៅពិនិត្យសាកសពជនរងគ្រោះឃើញថា ពិតជាស្លាប់ដោយសារតែឆក់ចរន្តអគ្គិសនី ស្លាប់ពិតមែន និងប្រគល់សពឲ្យសាច់ញាតិធ្វើបុណ្យតាមប្រពៃណី ៕ ដោយ៖ចិន្ត្រា
