រាជធានីភ្នំពេញ ៖ ផ្សែងហ៊ុយចេញពីហាង មីហិរ និងផាមកាហ្វេ មួយកន្លែង ដោយមិនទាន់ដឹងមូលហេតុ បង្កការភ្ញាក់ផ្អើលដល់សមត្ថកិច្ចចុះមកអន្តរាគមន៍ភ្លាមៗ កាលពីយប់ឈានចូលថ្ងៃទី១ ខែមិថុនា ឆ្នាំ២០២១ នៅតាមបណ្ដោយផ្លូវព្រះមុនីវង្ស ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

បើតាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គាត់បានដើរកាត់ខាងមុខហាងមីហិរ និងហាងផាកកាហ្វេមួយកន្លែង ស្រាប់តែឃើញមានផ្សែងហុយចេញយ៉ាងខ្លាំង ទើបស្រែកឆោឡោឲ្យសន្តិសុខជួយឆែកមើលនៅក្នុងខាងមានឆេះអ្វីឬក៏អត់រឿង ភ្លាមៗសន្តិសុខក៏បានទំនាក់ទំនងហៅម្ចាស់ហាងឲ្យមកត្រួតពិនិត្យមើលក៏បានឃើញមានការឆាបឆេះនៅពិដានខាងលើ និងហៅរថយន្តនិងអង្គភាពបង្កការនិងពន្លត់អគ្គិភ័យ មកបាញ់ពន្លត់ភ្លាមៗ ។

បើតាមសម្ដីរបស់សមត្ថកិច្ចបង្ការនិងពន្លត់អគ្គិភ័យ ដែលបានចុះមកអន្តរាគមន៍ផ្ទាល់នៅទីតាំងកើតហេតុ បានបញ្ជាក់ថា បានប្រើប្រាស់ទឹកអស់ចំនួន ៧ គ្រឿង ដើម្បីធ្វើការបាញ់ទប់ស្កាត់ទើបរលត់ទៅវិញទាំងស្រុង មិនបណ្តាលឲ្យឆេះរាល នោះទេ ៕