ខេត្តកំពង់ស្ពឺ ៖ រថយន្តដឹកកម្មករ កម្មការិនី រ៉េចង្កូតទៅបុកដើមឈើរងរបួសមានចំនួន ២១នាក់ នៅ ស្រុកឧដុង្គ ថ្ងៃទីនៅថ្ងៃទី២ខែមិថុនា ឆ្នាំ២០២១វេលាម៉ោង៦និង០០នាទីព្រឹក នៅលើផ្លូវលំ ត្រង់ចំណុចភូមិច្បារច្រុះ ឃុំក្រាំងចេក ស្រុកឧដុង្គ បង្កឡើងរថយន្តដឹកកម្មករគ្រឿង ( មិនដឹងចំនួនអ្នកជិះលើរថយន្ដ ..) ម៉ាកហ៉ីយ៉ាន់ដាយ ពណ៌ស គ្មានស្លាកលេខ បើកបរដោយឈ្មោះ ថុល ឆៃ ភេទប្រុស អាយុ22ឆ្នាំ នៅភូមិត្បែង ឃុំរុងរឿង ស្រុកថ្ពង ដោយធ្វើដំណើរពីទិសខាងជើងទៅទិសខាងត្បូង លុះដល់ចំណុចខាងលើបានរ៉េចង្កូតទៅបុកដើមឈើតែម្តង ។

តាមការបញ្ជាក់ពីកម្លាំងនគរបាលក្រោយទទួលបានព័ត៌មាន ជំនាញបានចុះទៅកាន់គោលដៅនិងបានជួយសង្រ្គោះបន្ទាន់ ក្នុងនោះ កម្មករ កម្មការិនី រងរបួសមានចំនួន ២១នាក់ ស្រី ០៩ នាក់ ក្នុងនោះរបួសធ្ងន់ចំនួន ០៦ នាក់ស្រី កំលាំងនគរបាលកំពុងបន្តជួយជនរងគ្រោះផ្សេងទៀត។

បច្ចុប្បន្នជនរងគ្រោះ បានបញ្ជូនទៅសង្គ្រោះនៅមន្ទីរពេទ្យឯកជន និងមន្ទីរពេទ្យបង្អែកស្រុកឧដុង្គ។ នេះជាព័ត៍មានបថម