បន្ទាយមានជ័យ៖ម៉ូតូ២គ្រឿងបុកគ្នាពេញទំហឹងបណ្តាលរបួសធ្ងន់ស្រាល២នាក់នៅវេលាម៉ោង៦ល្ងាចនៅថ្ងៃទី០១ ខែមិថុនា ឆ្នាំ២០២១តាមផ្លូវលំស្ថិតភូមិពង្រ ឃុំប៉ោយចារ ស្រុកភ្នំស្រុក។

មន្ត្រីផ្នែកចរាចរណ៍ផ្លូវគោកនៃអធិការដ្ឋាននគរបាលស្រុកភ្នំស្រុកបានប្រាប់ថា៖ជនរងគ្រោះ២នាក់ មាន១ឈ្មោះ លុយ ហល់ ភេទប្រុសអាយុ២៨ឆ្នាំ(របួសស្រាល) ២.ឈ្មោះ ឱក ធី ភេទប្រុសអាយុ៣២ឆ្នាំរស់នៅភូមិយាងឧត្តម ឃុំណាំតាវ ស្រុកភ្នំស្រុក។

មន្ត្រីនគរបាលបានបញ្ជាក់ថា៖នៅពេលគ្រោះថ្នាក់ចរាចរណ៍កើតឡើងគឺឈ្មោះ ឡេ សង្ហា ភេទប្រុសអាយុ៣០ឆ្នាំរស់នៅភូមិសំបួរ ឃុំប៉ោយចារ ស្រុកភ្នំស្រុក បានជិៈម៉ូតូម៉ាក់ហុងដាឌ្រីមពាក់ផ្លាក់លេខបន្ទាយមានជ័យ1N.1699តាមផ្លូវលំក្នុងភូមិក្នុងទឹសដៅពីកើតទៅលិចបានបុកម៉ូតូម៉ាក់ហង់ដាឌ្រីមសេរីចាស់គ្មានផ្លាក់លេខដែលបើកបរឈ្មោះ លុយ ធី បានឌុបឈ្មោះ ឱក ហល់ បើកបរបញ្ច្រាស់ទឹសគ្នាបានបុកពេញទំហឹងបណ្តាលរបួសធ្ងន់ស្រាល២នាក់។

មន្ត្រីនគរបាលបានបញ្ជាក់ថា៖ក្រោយពេលគ្រោះថ្នាក់ចរាចរណ៍កើតឡើងកម្លាំងជំនាញបានទៅពិនិត្យវាស់វែងគឺអ្នកបើកបរម៉ូតូដែលបង្កដោយឈ្មោះ ឡេ សង្ហា បានជិៈម៉ូតូតាមផ្លូវលំក្នុងភូមិលឿនគ្មានការប្រុងប្រយ័ត្នបានបុកជនរងគ្រោះ២នាក់កំពុងជិៈម៉ូតូបណ្តាលរបួសធ្ងន់ស្រាលត្រូវបានសង្គ្រោះ ហើយម៉ូតូ២គ្រឿងបានយកទៅរក្សាទុកអធិការដ្ឋាននគរបាលស្រុកភ្នំស្រុកដើម្បីដោះស្រាយតាមច្បាប់៕ដោយ៖ចិន្ត្រា