រាជធានីភ្នំពេញ៖ ជនសង្ស័យ២នាក់ ជិះម៉ូតូដេញតាមកា.ប់យុវជនម្នាក់បណ្ដាលឲ្យដួលម៉ូតូបុកនិងបង្គលភ្លើង ស្លា.ប់បាត់បង់ជីវិតភ្លាមៗ រួចអូសដៃនារីម្នាក់ ដែលជិះពីក្រោយជនរងគ្រោះ រត់គេចខ្លួនភ្លាមៗ កាលពីវេលាម៉ោង ៩យប់ ថ្ងៃទី១ ខែមិថុនា ឆ្នាំ២០២១ នៅតាមបណ្ដោយផ្លូវជាតិលេខ ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

យោងតាមប្រភពព័ត៌មានពីបងប្អូនប្រជាពលរដ្ឋបានប្រាប់ ក្រុមការងារ TVFB ឲ្យដឹងថា មុនពេលកើតហេតុ គេបានឃើញយុវជនម្នាក់ជិះម៉ូតូម៉ាកនិចមួយគ្រឿង ដែលពាក់ស្លាកលេខ ភ្នំពេញ 1GN-2249 បានដឹកនារីម្នាក់តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ លុះមកដល់ចំណុចកើតហេតុ មុខនឹងដេប៉ូខ្សាច់ ស្រាប់តែមានយុវជន២នាក់ ទាញកាំបិតប៉័ងតោ កាប់ប្រហារទៅលើជនរងគ្រោះមួ ០១កាំបិតបណ្ដាលឲ្យជនរងគ្រោះដួលម៉ូតូបោកនឹងបង្គោលភ្លើង ស្លាប់ភ្លាមៗនៅត្រង់ចំណុចកើតហេតុភ្លាមនោះជនសង្ស័យទាំង ២ នាក់ បានទាញម៉ូតូនិងអូសដៃនារីម្នាក់ដែលអង្គុយពីក្រោយជនរងគ្រោះ បើម៉ូតូរត់គេចពីកន្លែងកើតហេតុ។

បើយោងតាមសម្តីសមត្ថកិច្ចមូលដ្ឋាន បានប្រាប់TVFB ថា នៅជុំវិញទីតាំងកន្លែងកើតហេតុ សមត្ថកិច្ចបានរកឃើញនូវកាំបិតបុង័តោ មួយដើមក្បែរជនរងគ្រោះដែលបានស្លាប់បាត់បង់ជីវិត ។ ចំណែកជនរងគ្រោះដែលត្រូវជនដៃដល់កាប់ប្រហារមានឈ្មោះ គីម សុខគឿន មានអាយុ២០ មុខរបរជាជាងមាស ស្នាក់នៅក្នុងភូមិសាមគ្គី សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

ក្រោយពេលកើតហេតុ សមត្ថកិច្ចបានធ្វើការពិនិត្យ និងប្រគល់សាកសពឲ្យទៅក្រុមគ្រួសារសាច់ញាតិយកទៅធ្វើបុណ្យតាមប្រពៃណី ។ ខណៈដែលសមត្ថកិច្ចជំនាញ កំពុងស៊ើបអង្កេតស្រាវជ្រាវ ដើម្បីតាមចាប់ក្រុមជនដៃដល់យកមកដាក់ទោសតាមផ្លូវច្បាប់ ៕