ខេត្តកណ្តាល ៖ ជាងផ្សារជើងកង្ហារ ធ្លាក់កម្ទេចភ្លើងលើតុក្កតា បណ្តាលឲ្យឆ្លងឆាបឆេះ រោងចក្រផលិតតុក្កតា មួយកន្លែង បង្កការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ចនគរបាលខេត្តកណ្តាល ដឹកនាំដោយលោក ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ដឹកនាំលោកស្នងការរង កម្លាំងជំនាញការិយាល័យបង្ការពន្លត់អគ្គិភ័យ និងសង្រ្គោះ និងកម្លាំងពាក់ព័ន្ធ ចុះអន្តរាគន៍ពន្លត់អគ្គិភ័យភ្លាមៗ កាលពីវេលាម៉ោង ៦ និង១៥នាទីល្ងាច ថ្ងៃទី១ ខែមិថុនា ឆ្នាំ២០២១ នៅចំណុច រោងចក្រផលិតតុក្កតាច្រាងហ៊ួរ ខេមបូឌា អិនធឺប្រាយ ក្នុងឃ្លាំងបាញ់ថ្នាំ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល។

សមត្ថកិច្ចជំនាញបញ្ជាក់ថា អគ្គិភ័យនេះបានឆាបឆេះឃ្លាំងស្តុក តុក្កតា ទំហំ ៤គុណ១០ ម៉ែត្រ បណ្តាលមកពីជាងផ្សារជើងកង្ហារ ធ្លាក់កម្ទេចភ្លើងលើ តុក្កតា ទើបឆាបឆេះតែម្តង ដោយបានប្រើប្រាស់រថយន្តពន្លត់អគ្គិភ័យចំនួន ០៦ គ្រឿង ក្នុងនោះមានរថយន្តស្នងការដ្ឋាននគរបាលខេត្តកណ្តាលចំនួន ០៣ គ្រឿង និងរថយន្តបញ្ជាការដ្ឋានអង្គរក្សចំនួន ០៣ គ្រឿង ទើបរលត់ទាំងស្រុង។ ចំណែកសម្ភារៈខូចខាតមិនទាន់សន្និដ្ឋានបាន នៅឡើយ ម្ចាស់មិនទាន់បានបំភ្លឺ ៕ ប្រភព ៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ