ខេត្តបាត់ដំបង ៖ យោងតាមផេកស្នងការដ្ឋាននគរបាលខេត្តបាត់ដំបង ៖ សមត្ថកិច្ចបានធ្វើការឃាត់ខ្លួនជនសង្ស័យម្នាក់ក្រោយបានធ្វើសកម្មភាពយកពូថៅ កាប់ចំក្បាលយុវជនម្នាក់ បណ្តាលឲ្យរងរបួសធ្ងន់ ព្រោះតែទំនាស់ពាក្យសម្តីកាលពីវេលាម៉ោង៣០ ខែឧសភា ឆ្នាំ២០២១ នៅចំណុច ភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបងនិងឃាត់ខ្លួនបាននៅវេលាម៉ោង៤ល្ងាច ថ្ងៃទី ៣១ ខែ ឧសភា ឆ្នាំ ២០២១ ។

សមត្ថកិច្ចបានបញ្ជាក់ថាជនសង្ស័យមានឈ្មោះ សុំ ចិន្តា វន្ត័ ហៅ រ៉ាត់ ភេទប្រុស អាយុ ៣៧ ឆ្នាំស្នាក់នៅ ភូមិព្រែកតា ច្រែងឃុំ ព្រែកនរិន្ទ ស្រុក ឯកភ្នំ ខេត្តបាត់ដំបងបានធ្វើសកម្មភាពកាប់ដោយពូថៅទៅលើជនរងគ្រោះឈ្មោះ រី វីរៈ ហៅ ពេជ្រ ភេទប្រុស អាយុ៣៧ ឆ្នាំស្នាក់នៅភូមិតាកុក ឃុំនរាស្រុកសង្កែ ខេត្តបាត់ដំបង ដោយសារតែទំនាស់ពាក្យសម្តីឲ្យជនរងគ្រោះរងរបួសផ្នែកក្បាលយ៉ាងដំណំ។

ក្រោយកើតហេតុ ជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាលដើម្បីចាត់វិធានការលើករណីនេះហើយឆ្លងតាមរយៈការ ស្រាវជ្រាវ និងកំណត់បាននូវអត្តសញ្ញាណជនដៃដល់ទើបសម្រេចធ្វើការឃាត់ខ្លួនតែម្តង ដកហូតវត្ថុតាងរួម មាន ៖ ម៉ូតូ ម៉ាក ហុងដា ឌ្រីម សេ ១២ ៥ ពណ៌ ខ្មៅ ស៊េរីឆ្នាំ ២០១៩ ពាក់ស្លាកលេខ បាត់ដំបង 1AH-5116 និងពូថៅដងឈើ ចំនួន០១ ។

បច្ចុប្បន្ន ជនសង្ស័យខាងលើត្រូវបានកម្លាំងការិយាល័យនគរបាលព្រហ្មទណ្ឌ កម្រិត ស្រាល បានកសាងសំណុំរឿង ដើម្បីបញ្ជូនទៅសាលាដំបូង ខេត្តបាត់ដំបង អនុវត្តតាមច្បាប់៕