បន្ទាយមានជ័យ៖ រថយន្តហាយឡិនដឺបុកគោយន្តកន្ត្រៃបណ្តាយរបួសធ្ងន់ស្រាល២នាក់នៅវេលាម៉ោង៨.៣០នាទីយប់ថ្ងៃទី០២ ខែមិថុនា ឆ្នាំ២០២១តាមបណ្តោយផ្លូវជាតិលេខ៥ស្ថិតភូមិម៉ក់ហើន ឃុំកូប ស្រុកអូរជ្រៅ។

មន្ត្រីនគរបាលចរាចរណ៍ស្រុកអូរជ្រៅបានប្រាប់ថា៖ជនរងគ្រោះដែលរបួសធ្ងន់ស្រាល២នាក់មាន ១.ឈ្មោះ ម៉ុន ចាន់ឌី ភេទប្រុសអាយុ២២ឆ្នាំរស់នៅភូមិសំពៅលូន ឃុំត្រពាំងប្រលិត ស្រុកសំពៅលូន ២.ឈ្មោះ រ៉ា បូរី ភេទប្រុសអាយុ២០ឆ្នាំរស់នៅភូមិជាមួយ។

មន្ត្រីនគរបាលបានបញ្ជាក់ថា៖នៅពេលគ្រោះថ្នាក់ចរាចរណ៍កើតឡើងរថយន្តម៉ាក់ហាយឡិនដឺពាក់ផ្លាក់លេខភ្នំពេញ 2X.8513ដែលបើកបរតាមបណ្តោយផ្លូវជាតិលេខ៥ ក្នុងទឹសដៅកើតទៅលិចបានបុកគោយន្តពីក្រោយដែលបើកបរស្របទឹសគ្នាបបណ្តាលរថយន្តធ្លាក់ប្រឡាយ គោយន្តក្រឡាប់របួសធ្ងន់ស្រាល២នាក់អ្នកបើកបរគោយន្តកន្ត្រៃរួមដំណើរត្រូវបានសង្គ្រោះបន្ទាន់ចំណែកម្ចាស់រថយន្តបានគេចខ្លួន។

មន្ត្រីនគរបាលបានបញ្ជាក់ថា៖នៅពេលគ្រោះថ្នាក់ចរាចរណ៍កើតមន្ត្រីនគរបាលចរាចរណ៍បានចុះពិនិត្យវាសវែងគ្រោះថ្នាក់ចរាចរណ៍កើតឡើងបង្កដោយគោយន្តកន្ត្រៃដែលបើកបរពេលយប់លើផ្លូវជាតិគ្មានបិតចំណាំងផ្លាតពីក្រោយរឺគ្មានភ្លើងទើបបង្ករថយន្តបើកបរពេលយប់បុកពីក្រោយបណ្តាលរបួសធ្ងន់ស្រាល២នាក់ខូចខាតរថយន្តនិងគោយន្តកន្ត្រៃក្រោយពេលវាស់វែងហើយត្រូវបានយកទៅរក្សាទុកអធិការដ្ឋាននគរបាលស្រុកអូរជ្រៅដើម្បីដោះស្រាយតាមច្បាប់៕ដោយ៖ចិន្ត្រា