រាជធានីភ្នំពេញ៖ មានការភ្ញាក់ផ្អើលមួយបានកើតឡើង ដោយបុរសម្នាក់ មិនទាន់ដឹងមានវិបិត្តិអ្វី បានរត់ទៅបុកនឹងម៉ូតូរបស់ស្ត្រីម្នាក់ បណ្តាលឲ្យដួលត្រឡប់ត្រឡិន ភ័យផងអីផង ប្រញាប់លើកម៉ូតូជិះទៅបាត់ រួចបុរសរូបនេះ បានដើរទៅដេកសំយ់ាបផ្ទះគេ ហើយបន្តរត់ចូលកង់បីប្រជាពលរដ្ឋថែមទៀត ផ្អើលអស់សមត្ថកិច្ច និងកម្លាំងគណៈបញ្ជាការ ចុះមកធ្វើការអន្តរាគមន៍ និងហៅគ្រួសារមកទទួលយកទៅផ្ទះវិញ កាលពីវេលាម៉ោង ១០ព្រឹក ថ្ងៃទី៤ ខែមិថុនា ឆ្នាំ២០២១ នៅចំណុចផ្លូវ៩០៧ ក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។

ភ្លាមៗម្តាយរបស់បុរសខាងលើ ក៏មកដល់ បានប្រាប់ថាកូនរបស់គាត់មានជំងឺ តែមិនដឹងជំងឺអ្វីនោះទេ រួមក៏នាំកូនរបស់គាត់ត្រឡប់ទៅផ្ទះវិញតែម្តង ៕