រាជធានីភ្នំពេញ៖ ជនសង្ស័យម្នាក់ ត្រូវបានកម្លាំងប៉ុស្តិ៍រដ្ឋបាល ស្ទឹងមានជ័យទី១ ល្បាតក្នុងភូមិសាស្ត្រធ្វើការចាប់ឃាត់ខ្លួន ក្រោយឆែកឆេររកឃើញថ្នាំញៀន ចំនួន២១កញ្ចប់ថង់តូច កាលពីវេលាម៉ោង ៣និង៣០នាទីយប់ រំលងអធ្រាត្រ ឈានចូលថ្ងៃទី៤ ខែមិថុនា ឆ្នាំ២០២១ ចំណុចផ្លូវបេតុង ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

សមត្ថកិច្ចបានបញ្ជាក់ថា ជនសង្ស័យមានឈ្មោះ ឌឹម ចន្ធី ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅ មិនពិតប្រាកដ (ឃាត់ខ្លួនមានសារធាតុញៀន) ។

សមត្ថកិច្ចបានបន្តថា ជនសង្ស័យរូបនេះ ត្រូវបានកម្លាំងល្បាត នៃអធិការដ្ឋាននគរបាលខណ្ឌមានជ័យ សហការជាមួយកម្លាំងនគរបាលប៉ុស្តិ៍រដ្ឋបាល ស្ទឹងមានជ័យទី១ បានចុះល្បាតក្នុងភូមិសាស្រ្ត សង្កាត់ស្ទឹងមានជ័យ១ មកដល់ចំនុច ផ្លូវបេតុង ភូមិមានជ័យ១ សង្កាត់ស្ទឹងមានជ័យទី១ ក៏បានឃើញជនសង្ស័យកំពុងធ្វើដំណើរ ដោយមានការសង្ស័យ ក៏បានហៅធ្វើការត្រួតពិនិត្យ ទើបប្រទះឃើញមានក្រាមសរថ្លាចំនួន២១កញ្ចាប់ថង់តូច ដែលជនសង្ស័យ ទុកក្នុងហោប៉ៅខាងស្តាំ ក៏ឃាត់ខ្លួនយកមកធ្វើការសាកសួរនៅប៉ុស្ដិ៏នគរបាលរដ្ឋាបាលស្ទឹងមានជ័យទី១តែម្តង រួមជាមួយនឹងម៉ូតូ ម៉ាក Scoopy ស្លាកលេខ ភ្នំពេញ 1HA 4192 និងបញ្ជូនខ្លួនទៅកាន់អធិការដ្ឋាននគរបាលខណ្ឌមានជ័យ ដើម្បីអនុវត្តបន្តតាមនីតិវិធីច្បាប់ ៕