ភ្នំពេញ៖នារីម្នាក់បើករថយន្តស៊េរីទំនើបបោះពួយយ៉ាងលឿនជ្រុលចង្កូតទៅបុករះ រទេះលក់នំបុ័ងទុកនៅចិញ្ចើមផ្លូវមុខផ្ទះល្វែងមួយកន្លែងបណ្ដាលឱ្យរងការខូចខាតយ៉ាងដំណំ សំណាងល្អមិនបង្កឲ្យមានអ្នករងរបួស។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៥ ព្រឹកថ្ងៃទី ០៦ ខែមិថុនាឆ្នាំ ២០២១ស្ថិតនៅត្រង់ចំណុចផ្លូវបេតុងបំបែកជាបី សង្កាត់ចោមចៅទី១ ពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីសន្តិសុខយាមបុរីបានបញ្ជាក់ប្រាប់ក្រុមការងារTVFB បានឲ្យដឹងថាកន្លែងកើតហេតុបានឲ្យដឹងថាមុនពេលកើតហេបានឃើញរថយន្តមួយគ្រឿងម៉ាក ឡង់គ្រីស័រ ពណ៌សពាក់ស្លាកលេខភ្នំពេញ 2BC-7758 បើកបរដោយនារីម្នាក់ធ្វើដំណើរតាមបណ្ដោយផ្លូវបេតុងក្នុងទិសដៅពីត្បូងមកជើងខណៈមកដល់ចំណុចកើតហេតុ ផ្លូវកោងបើកលឿនជ្រុលចង្កូតទៅបុកនឹងរទេះលក់នំបុ័ងដែលទុកចោលនៅមុខផ្ទះល្វែងលើចិញ្ចើមផ្លូវបណ្ដាលឱ្យប៉ើងប្រហែល២០ម៉ែត្ររងការខូចខាតចំណែករថយន្តបង្ករួញផ្នែកខាងមុខហើយមិនបាត់ឈប់នៅកន្លែងកើតហេតុនោះទេគឺព្យាយាមបើករថយន្តរត់គេចខ្លួន ត្រូវបានសន្តិសុខយាមបុរីធ្វើការដេញតាមពីក្រោយឃាត់រថយន្ដបាននាំយកមកកន្លែងកើតហេតុវិញដើម្បីឲ្យធ្វើការដោះស្រាយគ្នាជាមួយនឹងម្ចាស់រទេះលក់នំបុ័ងនៅកន្លែងកើតហេតុ។

ក្រោយមកកម្លាំងសមត្ថកិច្ចមូលដ្ឋានបានចុះមកដល់ទីតាំងកន្លែងកើតហេតុដោយភាគីទាំងពីរធ្វើការសម្របសម្រួលគ្នាមិនត្រូវ សមត្ថកិច្ចធ្វើការទំនាក់ទំនងទៅសមត្ថកិច្ចជំនាញចរាចរណ៍ចុះមកធ្វើការវាស់វែងយករថយន្តនិងសម្ភារៈទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នានៅពេលក្រោយ។ អែល មេសា