ខេត្តព្រៃវែង៖ ពិតជាសាហាវណាស់! យ៉ាងហោចណាស់ មនុស្ស២នាក់ បានស្លាប់យ៉ាងរន្ធត់ ខណៈមនុស្ស២នាក់ទៀត បានរងរបួសធ្ងន់ធ្ងរ ក្រោយជួបគ្រោះថ្នាក់ចរាចរណ៍ដ៍រន្ធត់ ដោយរថយន្ត២គ្រឿង ម៉ាកព្រុស និងប្រភេទតូរីស បានបុកគ្នាពេញទំហឹង ម្ខាងក្រឡាប់អូសជាច្រើនម៉ែត្រ ម្ខាងទៀតឆេះម៉ត់ ។
ហេតុការណ៍នេះបានកើតឡើងកាលពីវេលាម៉ោង១ និង០៥នាទី រសៀលថ្ងៃទី០៥ ខែមិថុនា ឆ្នាំ២០២១ នៅលើផ្លូវជាតិលេខ១ ចំណុចភូមិជ្រលង ឃុំប្រសាទ ស្រុកកំពង់ត្របែក ខេត្ត ព្រៃវែង ។
បើតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានបញ្ជាក់ថា ករណីនេះបានកើតឡើងរវាងរថយន្តព្រុសមួយគ្រឿង ជាមួយនឹងរថយន្តប្រភេទតូរីស បានបុកគ្នាពេញទំហឹង ខណៈបើកបរបញ្ច្រាស់ទិសដៅគ្នា ដោយរថយន្តតូរីសនោះ បានផ្ទុះឆេះភ្លាមៗ ស្លាប់អ្នកជិះម្នាក់ ចំណែករថយន្តព្រុសវិញ ក្រឡាប់អូសស្លាប់ម្នាក់ដូចគ្នា និងមនុស្ស២នាក់ទៀត បានរងរបួសធ្ងន់ធ្ងរ ត្រូវបានកងកម្លាំង អគ្គិភ័យ បានចេញរថយន្ដ អគ្គីភ័យ ជួយពន្លត់ទាន់ពេល ដោយ តាកុងរថយន្ដតូរីស គាបជាប់នៅក្នុងរថយន្ដ។
ក្រោយកើតហេតុសមត្ថកិច្ចបានចុះមកធ្វើការអន្តរាគមន៍វាស់វែង យករថយន្តទាំង២ ទៅរក្សាទុកនៅការិយាល័យជំនាញ ដើម្បីរង់ចាំដោះស្រាយគ្នាតាមច្បាប់ និងប្រគល់សពឲ្យសាច់ញាតិធ្វើបុណ្យតាមប្រពៃណី ៕
