រាជធានីភ្នំពេញ៖ ស្ត្រីម្នាក់បានរងរបួសត្រូវត្រង់ជេីងទាំងសងខាង និងគាបជាប់ក្នុងរថយន្តស្រែកដង្ហោយអោយគេជួយ ខណៈជួបគ្រោះថ្នាក់ចរាចរណ៍រវាងរថយន្តស៊ាំយ៉ុង បើកវ៉ារថយន្តមួយគ្រឿងទៀតក្នុងល្បឿនលឿន ជ្រុលទៅបុករថយន្តម៉ាកម៉ង់សឺរ៉ូ និងបណ្តាលឲ្យរងការខូចខាតយ៉ាងដំណំ កាលពីវេលាម៉ោង១១ព្រឹក ថ្ងៃទី៧ ខែមិថុនា ឆ្នាំ២០២១ នៅចំណុចផ្លូវជាតិលេខ៥ មុខអធិការដ្ឋាននគរបាលខណ្ឌព្រែកព្នៅ ក្នុងសង្កាត់ព្រែកព្នៅ ខណ្ឌព្រែកព្នៅ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តម៉ាក សាំយ៉ុង ពណ៌ស បើកបរដោយបុរសម្នាក់ រួមដំណើរដោយបុរសស្ត្រី២នាក់ ជិះក្នុងកាប៊ីន ចំណែករថយន្តម៉ង់សឺរ៉ូ ពណ៌សវិញ បើកបរដោយបុរសម្នាក់ ស្របទិសគ្នាពីជើងទៅត្បូង តាមបណ្តោយផ្លូវជាតិលេខ៤ លុះដល់ចំណុចកើតហេតុ រថយន្តស៊ាំយ៉ុង បានបេីកព្យាយាមវ៉ារថយន្តមួយគ្រឿងនៅពីមុខ ហេីយរថយន្តនៅពីមុខក៏បានវ៉ារថយន្តមួយគ្រឿងទៀតដូចគ្នា ហេីយក៏បានវ៉ាផុតទៅបាត់ទៅ .. ភ្លាមៗដែររថយន្តសាំយ៉ុងកំពុងតែបេីកវ៉ានោះ ក៏ស្រាប់វ៉ាក់ជាន់ហ្វ្រាំងមិនទាន់ជ្រុលទៅបុកពីក្រោយរថយន្តម៉ង់សឺរ៉ូ ចំយ៉ាងទំហឹងខ្ទេចផ្នែកខាងក្រោយ ។ ចំណែករថយន្តស៊ាំយ៉ុងវិញ ខ្ទេចមួយកំណាត់មុខ យ៉ាងដំណំដែរ ព្រមទាំងគាបជាប់ជេីងស្ត្រីដែរអង្គុយជាប់តៃកុង រេីរបម្រាស់លែងរួច បណ្តាលអោយរងរបួសត្រូវជេីងទាំងសងខាង ។
បន្ទាប់ពីកើតហេតុ ស្ត្រីរងរបួសត្រូវបានក្រុមគ្រួសារដឹកយកទៅមន្ទីរពេទ្យ ចំណែករថយន្តទាំងពីរគ្រឿងភាគីទាំងសងខាងបានសម្រួលគ្នា ដោយម្ចាស់រថយន្តស៊ាំយ៉ុងទទួលចេញថ្លៃជួសជុលរថយន្តដេីម្បីបញ្ចប់រឿងងផងដែរ៕
